ខ្ញុំមកធ្វើបច្ចុប្បន្នកម្មពីសៀវភៅដែលខ្ញុំបានអានចប់ក្នុងខែមីនា។ កំណត់ហេតុដែលខ្ញុំកំពុងសរសេរនេះ ជាកំណត់ហេតុលើកទីបីហើយ...
ខ្ញុំមកធ្វើបច្ចុប្បន្នកម្មពីសៀវភៅដែលខ្ញុំបានអានចប់ក្នុងខែមីនា។ កំណត់ហេតុដែលខ្ញុំកំពុងសរសេរនេះ ជាកំណត់ហេតុលើកទីបីហើយដែលខ្ញុំសរសេរក្នុងថ្ងៃនេះ។ ហាស! ហា! មួយថ្ងៃខ្ញុំសរសេរកំណត់ហេតុដល់ទៅបីដង។ ប្រហែលយប់បន្តិចទៀត ខ្ញុំសរសេរកំណត់ហេតុមួយទៀត ព្រោះខ្ញុំកំពុងអនុវត្តការសរសេរកំណត់ហេតុជាប្រចាំថ្ងៃ នៅមុនពេលចូលសម្រាក។
ឥលូវ មករៀបរាប់ពីសៀវភៅដែលខ្ញុំបានអានចប់ក្នុងខែមីនាកន្លងទៅនេះវិញម្ដង។ នៅក្នុងខែមីនា សៀវភៅដែលខ្ញុំបានអានចប់មានចំនួន ១២ ក្បាល។ បើសរុបចំនួនសៀវភៅដែលខ្ញុំបានអានចប់ពីខែមករារហូតដល់ខែមីនាមានចំនួន ២៧ ក្បាល។ ឆ្នាំនេះ ខ្ញុំបានដាក់គោលដៅអានសៀវភៅឲ្យបាន ៥១ ក្បាល។ បើគិតមកដល់ខែមីនា ខ្ញុំសម្រេចគោលដៅបានជាងហាសិបភាគរយហើយ។ សៀវភៅដែលខ្ញុំបានអានចប់ក្នុងខែមីនា រួមមានដូចខាងក្រោម៖
សៀវភៅដំបូងគេដែលជាសៀវភៅប្រលោមលោកនោះ ខ្ញុំទិញមកដើម្បីជួយគាំទ្រស្នាដៃអ្នកនិពន្ធវ័យក្មេងដែលខ្ញុំបានស្គាល់តាមបណ្ដាញសង្គម TikTok។ ជាគំនិតខ្ញុំ អ្នកនិពន្ធវ័យក្មេងទាំងអស់ (និយាយជារួម) គួរខិតខំពង្រឹងសមត្ថភាពនិងចំណេះដឹងរបស់ខ្លួនបន្ថែមឲ្យសក្ដិសមឈ្មោះជាអ្នកនិពន្ធ; ហើយក៏គួរពិនិត្យគុណភាពសៀវភៅនិងកំហុសអក្ខរាវិរុទ្ធផងដែរ មុនពេលបោះពុម្ពផ្សាយ។ សៀវភៅ "The Book of Patience: 250 Ways to a More Patient You (By Courtney E. Ackerman; Adams Media) ខ្ញុំចាប់ផ្ដើមអានតាំងពីពាក់កណ្ដាលខែកុម្ភៈ មិនសូវបានអានទៀងទាត់ទេ ហើយទើបតែបានអានបញ្ចប់នៅពាក់កណ្ដាលខែមីនា។ សៀវភៅ "ប្រស្នាត្រៃគុណ", សៀវភៅ "ផ្លូវព្រះនិព្វាន", សៀវភៅ "មេរៀនជីវិត", សៀវភៅ "ជំនួយបព្វជ្ជាគ្រាដែលអផ្សុក", និងសៀវភៅ "ឧបាសកវណ្ណនា" ជាសៀវភៅបែបព្រះពុទ្ធសាសនា ហើយសុទ្ធសឹងតែជាសៀវភៅដែលខ្ញុំចាប់អារម្មណ៍និងចូលចិត្តជាខ្លាំង។ សៀវភៅ "មេរៀនជីវិត" រៀបរៀងដោយលោកគ្រូធម្មាចារ្យ អគ្គបណ្ឌិត ប៊ុត សាវង្ស; ជាកម្រងអត្ថបទខ្លីៗ ប្រកបដោយអត្ថសេចក្ដីសម្រាប់ត្រិះរិះពិចារណា ជាជំនួយក្នុងការរស់នៅប្រចាំថ្ងៃ។ សៀវភៅ "ជំនួយបព្វជ្ជាគ្រាដែលអផ្សុក", ទោះមានកំហុសអក្ខរាវិរុទ្ធដោយអន្លើ តែក៏នៅតែជាសៀវភៅមួយដ៏ល្អដែលបាននាំមកនូវព្រះសូត្រផ្សេងៗជាជំនួយដល់ការគ្របសង្កត់នូវអកុសលធម៌ ជាពិសេសសម្រាប់បព្វជិតដែលអផ្សុកក្នុងព្រះផ្នួស (អាចនិមន្តអានបន្ថែមតាមឈ្មោះព្រះសូត្រ និងនិមន្តអានព្រះអដ្ឋកថាបន្ថែមផង ក៏គង់នឹងបានជាប្រយោជន៍ក្នុងព្រះផ្នួសមិនខាន)។ សៀវភៅ "Move to Happy: 25 Simple Ways to Bring Happiness Into Your Life Even Though You Might Be Going Through Some Tough Time” ជាសៀវភៅដែលដាក់ឲ្យអានដោយមិនគិតថ្លៃលើ Amazon Store។ សៀវភៅនេះខ្លី ខ្ញុំណែនាំសៀវភៅនេះសម្រាប់អ្នកចាប់ផ្ដើមអានសៀវភៅដំបូងៗ។ សៀវភៅនេះខ្លី ខ្លឹម ស្រួលអាន។
ថ្ងៃនេះ មានតែប៉ុណ្ណឹងទេ។ ជម្រាបលា! ជួបគ្នាពេលក្រោយទៀត!
ម៉ោង ៧:៤៥ នាទី យប់
ឥលូវ មករៀបរាប់ពីសៀវភៅដែលខ្ញុំបានអានចប់ក្នុងខែមីនាកន្លងទៅនេះវិញម្ដង។ នៅក្នុងខែមីនា សៀវភៅដែលខ្ញុំបានអានចប់មានចំនួន ១២ ក្បាល។ បើសរុបចំនួនសៀវភៅដែលខ្ញុំបានអានចប់ពីខែមករារហូតដល់ខែមីនាមានចំនួន ២៧ ក្បាល។ ឆ្នាំនេះ ខ្ញុំបានដាក់គោលដៅអានសៀវភៅឲ្យបាន ៥១ ក្បាល។ បើគិតមកដល់ខែមីនា ខ្ញុំសម្រេចគោលដៅបានជាងហាសិបភាគរយហើយ។ សៀវភៅដែលខ្ញុំបានអានចប់ក្នុងខែមីនា រួមមានដូចខាងក្រោម៖
- សៀវភៅ "ម្ចាស់បេះដូងបង" (ប្រលោមលោក)
- សៀវភៅ "ប្រស្នាត្រៃគុណ"
- សៀវភៅ "The Book of Patience: 250 Ways to a More Patient You (By Courtney E. Ackerman; Adams Media)
- សៀវភៅ "ផ្លូវព្រះនិព្វាន"
- សៀវភៅ "មេរៀនជីវិត"
- សៀវភៅ "ជំនួយបព្វជ្ជាគ្រាដែលអផ្សុក"
- សៀវភៅ "ឧបាសកវណ្ណនា"
- សៀវភៅ "អារម្មណ៍ល្អ ជីវិតស្រស់ស្រាយ"
- សៀវភៅ "What I Wish I Know Before 30 (By Francis Jonah)
- សៀវភៅ "How to Journal for Beginners: An Introductory Guide to Classic and Modern Method of Personal Growth (By Robert Ransom)
- សៀវភៅ "1% Success Habits: 10 Daily Habit to Crush Your Day” (By Brandon Nankivell)
- សៀវភៅ "Move to Happy: 25 Simple Ways to Bring Happiness Into Your Life Even Though You Might Be Going Through Some Tough Time”
សៀវភៅដំបូងគេដែលជាសៀវភៅប្រលោមលោកនោះ ខ្ញុំទិញមកដើម្បីជួយគាំទ្រស្នាដៃអ្នកនិពន្ធវ័យក្មេងដែលខ្ញុំបានស្គាល់តាមបណ្ដាញសង្គម TikTok។ ជាគំនិតខ្ញុំ អ្នកនិពន្ធវ័យក្មេងទាំងអស់ (និយាយជារួម) គួរខិតខំពង្រឹងសមត្ថភាពនិងចំណេះដឹងរបស់ខ្លួនបន្ថែមឲ្យសក្ដិសមឈ្មោះជាអ្នកនិពន្ធ; ហើយក៏គួរពិនិត្យគុណភាពសៀវភៅនិងកំហុសអក្ខរាវិរុទ្ធផងដែរ មុនពេលបោះពុម្ពផ្សាយ។ សៀវភៅ "The Book of Patience: 250 Ways to a More Patient You (By Courtney E. Ackerman; Adams Media) ខ្ញុំចាប់ផ្ដើមអានតាំងពីពាក់កណ្ដាលខែកុម្ភៈ មិនសូវបានអានទៀងទាត់ទេ ហើយទើបតែបានអានបញ្ចប់នៅពាក់កណ្ដាលខែមីនា។ សៀវភៅ "ប្រស្នាត្រៃគុណ", សៀវភៅ "ផ្លូវព្រះនិព្វាន", សៀវភៅ "មេរៀនជីវិត", សៀវភៅ "ជំនួយបព្វជ្ជាគ្រាដែលអផ្សុក", និងសៀវភៅ "ឧបាសកវណ្ណនា" ជាសៀវភៅបែបព្រះពុទ្ធសាសនា ហើយសុទ្ធសឹងតែជាសៀវភៅដែលខ្ញុំចាប់អារម្មណ៍និងចូលចិត្តជាខ្លាំង។ សៀវភៅ "មេរៀនជីវិត" រៀបរៀងដោយលោកគ្រូធម្មាចារ្យ អគ្គបណ្ឌិត ប៊ុត សាវង្ស; ជាកម្រងអត្ថបទខ្លីៗ ប្រកបដោយអត្ថសេចក្ដីសម្រាប់ត្រិះរិះពិចារណា ជាជំនួយក្នុងការរស់នៅប្រចាំថ្ងៃ។ សៀវភៅ "ជំនួយបព្វជ្ជាគ្រាដែលអផ្សុក", ទោះមានកំហុសអក្ខរាវិរុទ្ធដោយអន្លើ តែក៏នៅតែជាសៀវភៅមួយដ៏ល្អដែលបាននាំមកនូវព្រះសូត្រផ្សេងៗជាជំនួយដល់ការគ្របសង្កត់នូវអកុសលធម៌ ជាពិសេសសម្រាប់បព្វជិតដែលអផ្សុកក្នុងព្រះផ្នួស (អាចនិមន្តអានបន្ថែមតាមឈ្មោះព្រះសូត្រ និងនិមន្តអានព្រះអដ្ឋកថាបន្ថែមផង ក៏គង់នឹងបានជាប្រយោជន៍ក្នុងព្រះផ្នួសមិនខាន)។ សៀវភៅ "Move to Happy: 25 Simple Ways to Bring Happiness Into Your Life Even Though You Might Be Going Through Some Tough Time” ជាសៀវភៅដែលដាក់ឲ្យអានដោយមិនគិតថ្លៃលើ Amazon Store។ សៀវភៅនេះខ្លី ខ្ញុំណែនាំសៀវភៅនេះសម្រាប់អ្នកចាប់ផ្ដើមអានសៀវភៅដំបូងៗ។ សៀវភៅនេះខ្លី ខ្លឹម ស្រួលអាន។
ថ្ងៃនេះ មានតែប៉ុណ្ណឹងទេ។ ជម្រាបលា! ជួបគ្នាពេលក្រោយទៀត!
COMMENTS