ពិព័រណ៍សៀវភៅនៅកម្ពុជា ឆ្នាំ២០១៦ ពិព័រណ៍លើកទី៥ ក្រោមប្រធានបទ "បង្កើនការអាន បង្កើតការសរសេរ"។ ថ្ងៃទី០២-០៤ ខែធ្នូ ឆ្នាំ២០១៦ ម៉ោង៨ព្រឹក ដល់ ម៉ោង៧ល្ខាច នៅបណ្ណាល័យជាតិ
ពិព័រណ៍សៀវភៅនៅកម្ពុជាត្រឡប់មកវិញម្ដងទៀតហើយ! ឆ្នាំនេះ ពិព័រណ៍សៀវភៅនៅកម្ពុជា នឹងប្រព្រឹត្តទៅនៅដើមខែធ្នូនេះហើយ នេះបើយោងតាមទំព័រហ្វេសប៊ុក "ពិព័រណ៍សៀវភៅនៅកម្ពុជា"។
បន្ទាប់ពីបានប្រកាសស្វែងរកបុគ្គលិកស្ម័គ្រចិត្តសម្រាប់បំពេញការងារចប់សព្វគ្រប់ ពិព័រណ៍សៀវភៅនៅកម្ពុជា ត្រូវបានប្រកាសជាផ្លូវការថានឹងប្រព្រឹត្តទៅចាប់ពីថ្ងៃទី០២ ដល់ ថ្ងៃទី០៤ ខែធ្នូ ឆ្នាំ២០១៦ នេះ ចាប់ពីម៉ោង៨ព្រឹកដល់ម៉ោង៧ល្ងាច នៅបណ្ណាល័យជាតិ។ របៀបវរ:ឬការចាត់ចែងកម្មវិធីក្នុងថ្ងៃនីមួយៗយ៉ាងណានោះ យើងនៅមិនទាន់បានទទួលព័ត៌មាននៅឡើយទេ។ គួរបញ្ជាក់ផងដែរថា ពិព័រណ៍សៀវភៅនៅកម្ពុជា បានធ្វើឡើងចំនួន៤លើករួចមកហើយ។ ពិព័រណ៍សៀវភៅនៅកម្ពុជាឆ្នាំ២០១៦ នេះ ជាពិព័រណ៍លើកទី៥ ហើយ; ក្រោមប្រធានបទ "បង្កើនការអាន បង្កើតការសរសេរ"។
គួររម្លឹកឡើងវិញផងដែរថា ពិព័រណ៍សៀវភៅនៅកម្ពុជា កាលពីឆ្នាំ២០១៥ បានប្រព្រឹត្តទៅចាប់ពីថ្ងៃទី១១ ដល់ ថ្ងៃទី១៣ ខែធ្នូ ចាប់ពីម៉ោង៧ព្រឹក ដល់ ម៉ោង៧ល្ងាច នៅបណ្ណាល័យជាតិ ក្រោមប្រធានបទ "អានខ្ញុំថ្ងៃនេះ ដើម្បីជោគជ័យថ្ងៃស្អែក"។
 |
| ពិព័រណ៍សៀវភៅលើកទី៤ |
ពិព័រណ៍សៀវភៅនៅកម្ពុជា បើកឲ្យចូលរួមដោយសេរី។ សូមអញ្ជើញចូលរួមកម្មវិធីនេះឲ្យបានច្រើនកុះករ ដើម្បីទទួលបានអត្ថប្រយោជន៍ជាច្រើនពីកម្មវិធី; រួមទាំងការបញ្ចុះតម្លៃលើការទិញសៀវភៅ, ជួបផ្ទាល់ជាមួយម្ចាស់ស្នាដៃ, និងចូលរួមរីករាយជាមួយកម្មវិធីកម្សាន្តជាច្រើនទៀត។ ជួបគ្នានៅ បណ្ណាល័យជាតិ ចាប់ពីថ្ងៃទី០២ ដល់ ថ្ងៃទី០៤ ខែធ្នូ ឆ្នាំ២០១៦។ កុំភ្លេចចូលរួមណា...!
 |
| ផែនទីបណ្ណាល័យជាតិ |
ពិព័រណ៍សៀវភៅនៅកម្ពុជា លើកទី៥ ឆ្នាំ២០១៦
អត្ថបទ៖ ហេង-រង្សី
រូបភាព៖ Cambodia Book Fair
COMMENTS