សៀវភៅទាំងពីរក្បាលនេះ លោកអ្នករៀបរៀងបោះពុម្ពបានដាក់បញ្ចូលគ្នាតែមួយតែម្ដង។ ខ្ញុំមិនបានអានសៀវភៅដែលបោះពុម្ពនោះទេ ខ្ញុំអាន...
សៀវភៅទាំងពីរក្បាលនេះ លោកអ្នករៀបរៀងបោះពុម្ពបានដាក់បញ្ចូលគ្នាតែមួយតែម្ដង។ ខ្ញុំមិនបានអានសៀវភៅដែលបោះពុម្ពនោះទេ ខ្ញុំអានសៀវភៅនេះតាមរយៈឯកសារជាទម្រង់ PDF ប៉ុណ្ណោះ។ ខ្ញុំបានឃើញសៀវភៅនេះនៅក្នុងគេហទំព័រ ៥០០០ឆ្នាំ។ ដោយចាប់អារម្មណ៍នឹងចំណងជើង ខ្ញុំក៏ទាញយកសៀវភៅនេះទុក។ ខ្ញុំចាប់ផ្ដើមអានសៀវភៅ "ធម៌ដាស់តឿនចិត្តដល់បុគ្គលប្រមាទ" នៅថ្ងៃទី២៤ ខែកក្កដា ឆ្នាំ២០២៣ ហើយបញ្ចប់នៅថ្ងៃទី១ ខែសីហា ឆ្នាំ២០២៣។ រួចខ្ញុំក៏បន្តអានសៀវភៅ "សន្ទនាធម៌ជាមួយពុទ្ធបរិស័ទកម្ពុជា" នៅថ្ងៃបន្ទាប់ ហើយបញ្ចប់នៅថ្ងៃទី៩ សីហា ឆ្នាំ២០២៣។ សៀវភៅទាំងពីរក្បាលនេះ ខ្ញុំឆ្លៀតពេលទំនេរក្រោយពីទទួលទានអាហារថ្ងៃត្រង់ អានជាប់ជាប្រចាំជារៀងរាល់ថ្ងៃរហូតបានអានចប់ជាបន្តបន្ទាប់។
សៀវភៅទាំងពីរក្បាលនេះ ជាសម្រង់ធម្មទេសនារបស់ អ្នកគ្រូធម្មាចារ្យ សុចិន្ត បរិហារវនខេត្ត ដែលលោកអ្នករៀបរៀងបោះពុម្ពបានបកប្រែចេញពីភាសាថៃ ដើម្បីចែកជាធម្មទាន។ ខ្ញុំស្គាល់ឈ្មោះលោកយាយ សុចិន្ត ជាលើកដំបូងតាមរយៈវីដេអូដែលចេញពីខ្សែអាត់សំឡេងធម្មទេសនារបស់លោកគ្រូធម្មាចារ្យ អគ្គបណ្ឌិត ប៊ុត សា វង្ស។ ក្នុងខ្សែអាត់នោះ លោកគ្រូ អគ្គបណ្ឌិត ប៊ុត សា វង្ស បានរៀបរាប់ពីប្រវត្តិលោកគ្រូដោយត្រួសៗ។ លោកគ្រូមានប្រសាសន៍ថា កាលលោកគ្រូផ្ដើមសិក្សាព្រះធម៌ដំបូងៗ លោកគ្រូក៏អាស្រ័យការស្ដាប់ធម្មទេសនារបស់លោកយាយ សុចិន្ត ជាបន្តបន្ទាប់មកដែរ។ ពេលនោះ ខ្ញុំមានការចាប់អារម្មណ៍និងចង់ស្គាល់លោកយាយដែរ តែខ្ញុំក៏មិនដែលបានស្រាវជ្រាវរកឯកសារឬខ្សែអាត់សំឡេងធម្មទេសនារបស់លោកយាយទេ ដោយគិតថា លោកយាយជាជនជាតិថៃ ប្រហែលគ្មានឯកសារឬខ្សែអាត់ដែលខ្ញុំសិក្សាស្វែងយល់បានទេ។
ក្នុងសៀវភៅទាំងពីរក្បាលនេះ ដោយច្រើនទៅជាការសម្ដែងអំពីសតិប្បដ្ឋានបដិបត្តិ ការលះបង់នូវអត្តានុទិដ្ឋិ ជាដើម។ ខ្ញុំក៏ធ្លាប់បានស្ដាប់រឿយៗដែរនូវធម៌សតិប្បដ្ឋានបដិបត្តិនេះ ពីសម្នាក់លោកគ្រូ អគ្គបណ្ឌិត ប៊ុត សា វង្ស។ តែក៏នៅតែមិនទាន់អាចយល់ជ្រួតជ្រាបទៅបានច្រើននោះទេ។ ក្នុងកំលុងពេលអានសៀវភៅនេះ ខ្ញុំបានស្វែងរកព័ត៌មានអំពី អ្នកគ្រូធម្មាចារ្យ សុចិន្ត បរិហារវនខេត្ត តាមអ៊ីនធឺណិត ហើយក៏បានប្រទះនឹងសៀវភៅពីរក្បាលបន្ថែមទៀត ដែលត្រូវបានរៀបរៀងឡើងចេញពីធម្មទេសនា និងត្រូវបានបកប្រែមកជាភាសាខ្មែរ។ ក្រោយពីអានសៀវភៅនេះចប់ ខ្ញុំបានបន្តអានសៀវភៅដែលរកឃើញនោះជាបន្តទៀត។ ពេលនេះ ខ្ញុំកំពុងអានសៀវភៅ "កើត ចាស់ ឈឺ ស្លាប់" ហើយបន្ទាប់ពីអានសៀវភៅនេះចប់ ខ្ញុំនឹងបន្តអានសៀវភៅ "រក្សាទុកក្នុងបេះដូង"។
សូមឲ្យលោកអ្នកទាំងឡាយបាននូវសេចក្ដីសុខ រួចផុតចាកទុក្ខទាំងពួង!
ដោយអំណាចនៃសេចក្ដីជ្រះថ្លាក្នុងធម្មទាននេះ សូមបានជាឧបនិស្ស័យក្នុងព្រះសាសនា ជាក់ច្បាស់នូវព្រះនិព្វានឰដ៏អនាគតកាលដ៏សមគួរខាងមុខ!
១០ សីហា ២០២៣ ៥:៥១ នាទីរសៀល
ក្នុងសៀវភៅទាំងពីរក្បាលនេះ ដោយច្រើនទៅជាការសម្ដែងអំពីសតិប្បដ្ឋានបដិបត្តិ ការលះបង់នូវអត្តានុទិដ្ឋិ ជាដើម។ ខ្ញុំក៏ធ្លាប់បានស្ដាប់រឿយៗដែរនូវធម៌សតិប្បដ្ឋានបដិបត្តិនេះ ពីសម្នាក់លោកគ្រូ អគ្គបណ្ឌិត ប៊ុត សា វង្ស។ តែក៏នៅតែមិនទាន់អាចយល់ជ្រួតជ្រាបទៅបានច្រើននោះទេ។ ក្នុងកំលុងពេលអានសៀវភៅនេះ ខ្ញុំបានស្វែងរកព័ត៌មានអំពី អ្នកគ្រូធម្មាចារ្យ សុចិន្ត បរិហារវនខេត្ត តាមអ៊ីនធឺណិត ហើយក៏បានប្រទះនឹងសៀវភៅពីរក្បាលបន្ថែមទៀត ដែលត្រូវបានរៀបរៀងឡើងចេញពីធម្មទេសនា និងត្រូវបានបកប្រែមកជាភាសាខ្មែរ។ ក្រោយពីអានសៀវភៅនេះចប់ ខ្ញុំបានបន្តអានសៀវភៅដែលរកឃើញនោះជាបន្តទៀត។ ពេលនេះ ខ្ញុំកំពុងអានសៀវភៅ "កើត ចាស់ ឈឺ ស្លាប់" ហើយបន្ទាប់ពីអានសៀវភៅនេះចប់ ខ្ញុំនឹងបន្តអានសៀវភៅ "រក្សាទុកក្នុងបេះដូង"។
សូមឲ្យលោកអ្នកទាំងឡាយបាននូវសេចក្ដីសុខ រួចផុតចាកទុក្ខទាំងពួង!
ដោយអំណាចនៃសេចក្ដីជ្រះថ្លាក្នុងធម្មទាននេះ សូមបានជាឧបនិស្ស័យក្នុងព្រះសាសនា ជាក់ច្បាស់នូវព្រះនិព្វានឰដ៏អនាគតកាលដ៏សមគួរខាងមុខ!
១០ សីហា ២០២៣ ៥:៥១ នាទីរសៀល
COMMENTS