ខ្ញុំចាប់ផ្ដើមអានសៀវភៅនេះតាំងពីដើមខែធ្នូ ឆ្នាំ២០២០ បន្ទាប់ពីបានអានសៀវភៅ « IKIGAI: The Japanese Secret to a Long and Happy Life...
ខ្ញុំចាប់ផ្ដើមអានសៀវភៅនេះតាំងពីដើមខែធ្នូ ឆ្នាំ២០២០ បន្ទាប់ពីបានអានសៀវភៅ «IKIGAI: The Japanese Secret to a Long and Happy Life» ចប់ ។ ពេលឃើញក្របសៀវភៅនេះដំបូង ខ្ញុំនឹកស្មានថា សៀវភៅនេះនិយាយពីការពន្យារពេល (Procrastination) និងវិធីដោះស្រាយនូវភាពអសកម្មនេះ ។ ដោយមួយរយៈនេះ ខ្ញុំហាក់មានភាពស្ពឹកស្រពន់ក្នុងអនុវត្តការងារប្រចាំថ្ងៃ ហើយខ្ញុំយល់ថា សៀវភៅនេះនឹងអាចជួយខ្ញុំក្នុងការកែប្រែទម្លាប់មិនល្អនេះចេញ ខ្ញុំក៏សម្រេចយកសៀវភៅនេះមកអាន ។ ខ្ញុំមានគម្រោងថា ខ្ញុំនឹងអានសៀវភៅនេះឲ្យបានចប់មុនដំណាច់ឆ្នាំ២០២០ ដោយសន្មតថា សៀវភៅនេះជាសៀវភៅចុងក្រោយបំផុតដែលខ្ញុំអានសម្រាប់ឆ្នាំ២០២០ ។ គ្រប់យ៉ាងគឺខុសស្រឡះពីការគិតទុករបស់ខ្ញុំ ។ តាមពិត សៀវភៅនេះមិននិយាយពីការពន្យារពេលអ្វីនោះទេ ហើយខ្ញុំក៏មិនបានអានសៀវភៅនេះឲ្យចប់មុនដំណាច់ឆ្នាំ២០២០ ដែរ ។ ទម្លាប់ពន្យារពេលរបស់ខ្ញុំនៅតែបន្ត។ ខ្ញុំអានបន្តិច ហើយក៏ទុកសៀវភៅនេះចោលជាច្រើនថ្ងៃ ហើយពេលនឹកឃើញចង់អានក៏អានបន្ត ។ ឆ្នាំ២០២១ កាន់ខែខិតជិតមកដល់ ខ្ញុំតែងតែគិតថានឹងខំអានសៀវភៅនេះឲ្យបានចប់តាមកាលកំណត់ ។ ខ្ញុំប្រាប់ខ្លួនឯងថា ត្រូវតែស្រូតអានឲ្យបានចប់ ។ បើពេលវេលាកៀកកិតខ្លាំង ខ្ញុំនឹងខំអាននៅយប់ឆ្លងឆ្នាំឲ្យចប់ ។ ហាស! ហាស! ការតាំងចិត្តនេះ ស្ដាប់ទៅហាក់ដូចជាខ្លាំងក្លាណាស់ តែតាមពិតទៅ វាមិនអាចទៅរួចបាននោះទេ ។ ដល់ដំណាច់ឆ្នាំ២០២០ ទៅហើយខ្ញុំទើបតែអានសៀវភៅនេះបានជាងពាក់កណ្ដាលទេ ។ ចុងក្រោយខ្ញុំក៏សម្រេចចិត្តថានឹងរៀបចំអានសៀវភៅនេះបន្តក្នុងឆ្នាំ២០២១ ធ្វើយ៉ាងណាអានឲ្យបានចប់ឲ្យបានឆាប់រហ័សតាបដែលអាចធ្វើបាន ។ មួយសប្ដាហ៍នេះ ខ្ញុំខំប្រឹងសម្រុកអានរហូតដល់ចប់ នៅល្ងាចនេះឯង ។
ខ្ញុំនឹងបញ្ជាក់ពីអ្វីដែលមាននៅក្នុងសៀវភៅនេះបន្តិច ។ ដូចដែលបាននិយាយខាងដើមអ៊ីចឹង គឺថា សៀវភៅនេះមិនបានរៀបរាប់ពីការពន្យារពេលក្នុងការធ្វើការងារអ្វីនោះទេ ។ សៀវភៅនេះនិយាយពី «Mindfulness» គឺការរស់នៅក្នុងពេលបច្ចុប្បន្ន (HERE & NOW) ។ កាលអានបានពីរ-បីទំព័រដំបូង ខ្ញុំហាក់មិនចង់អានសៀវភៅនេះបន្តទៀតទេ ។ ខ្ញុំដូចជាមិនយល់ពីអ្វីដែលអ្នកនិពន្ធបានសរសេរសោះ ។ លុះប្រឹងអានបន្តទៀត ខ្ញុំក៏យល់ពីសៀវភៅនេះ ពោលគឺ ប្រធានបទ «Mindfulness» ដែលជាប្រធានបទ ដែលខ្ញុំចាប់អារម្មណ៍យ៉ាងខ្លាំងនៅប៉ុន្មានឆ្នាំចុងក្រោយនេះ ។ ខ្ញុំមានការពេញចិត្តជាខ្លាំងនូវអ្វីដែលអ្នកនិពន្ធបានលើកឡើង ជាពិសេស តាំងពីចំណុចដំបូងៗ រហូតដល់ពេលដែលខ្ញុំអានសៀវភៅនេះបានពាក់កណ្ដាល ។ បន្ទាប់ពីនេះមក ខ្ញុំហាក់យល់ថា ខ្ញុំមិនសូវជក់ចិត្តនឹងសៀវភៅនេះដូចពីដើមទៀតទេ ។ នេះប្រហែលមកពីផ្នែកពាក់កណ្ដាលខាងក្រោយនេះ អ្នកនិពន្ធបានយកទ្រឹស្ដីសាសនាមួយចំនួនមួយលាយឡំ ។ អូ! ខ្ញុំសង្កេតឃើញថា ក្នុងសៀវភៅនេះមានបញ្ហាភ្លាំងភ្លាត់ផ្នែកអក្ខរាវិរុទ្ធដោយអន្លើ ។ ខ្ញុំយល់ថា នេះប្រហែលជាចេតនារបស់អ្នកនិពន្ធក្នុងការសាកល្បង «Mindfulness» របស់អ្នកអាន ។ ខ្ញុំក៏មិនច្បាស់ដែរ ! នេះគ្រាន់តែជាការប៉ាន់ស្មានរបស់ខ្ញុំប៉ុណ្ណោះ ។
រៀបរាប់ប៉ុណ្ណឹងចុះ ! ស្អែកខ្ញុំនឹងបន្តអានសៀវភៅ «សុខចិត្ត និង គុណភាពនៃជីវិត» ដែលជាសៀវភៅដែលខ្ញុំធ្លាប់អានម្ដងរួចមកហើយ កាលពីចុងឆ្នាំ២០១៧ ។
រាត្រីសួស្ដី!
ខ្ញុំនឹងបញ្ជាក់ពីអ្វីដែលមាននៅក្នុងសៀវភៅនេះបន្តិច ។ ដូចដែលបាននិយាយខាងដើមអ៊ីចឹង គឺថា សៀវភៅនេះមិនបានរៀបរាប់ពីការពន្យារពេលក្នុងការធ្វើការងារអ្វីនោះទេ ។ សៀវភៅនេះនិយាយពី «Mindfulness» គឺការរស់នៅក្នុងពេលបច្ចុប្បន្ន (HERE & NOW) ។ កាលអានបានពីរ-បីទំព័រដំបូង ខ្ញុំហាក់មិនចង់អានសៀវភៅនេះបន្តទៀតទេ ។ ខ្ញុំដូចជាមិនយល់ពីអ្វីដែលអ្នកនិពន្ធបានសរសេរសោះ ។ លុះប្រឹងអានបន្តទៀត ខ្ញុំក៏យល់ពីសៀវភៅនេះ ពោលគឺ ប្រធានបទ «Mindfulness» ដែលជាប្រធានបទ ដែលខ្ញុំចាប់អារម្មណ៍យ៉ាងខ្លាំងនៅប៉ុន្មានឆ្នាំចុងក្រោយនេះ ។ ខ្ញុំមានការពេញចិត្តជាខ្លាំងនូវអ្វីដែលអ្នកនិពន្ធបានលើកឡើង ជាពិសេស តាំងពីចំណុចដំបូងៗ រហូតដល់ពេលដែលខ្ញុំអានសៀវភៅនេះបានពាក់កណ្ដាល ។ បន្ទាប់ពីនេះមក ខ្ញុំហាក់យល់ថា ខ្ញុំមិនសូវជក់ចិត្តនឹងសៀវភៅនេះដូចពីដើមទៀតទេ ។ នេះប្រហែលមកពីផ្នែកពាក់កណ្ដាលខាងក្រោយនេះ អ្នកនិពន្ធបានយកទ្រឹស្ដីសាសនាមួយចំនួនមួយលាយឡំ ។ អូ! ខ្ញុំសង្កេតឃើញថា ក្នុងសៀវភៅនេះមានបញ្ហាភ្លាំងភ្លាត់ផ្នែកអក្ខរាវិរុទ្ធដោយអន្លើ ។ ខ្ញុំយល់ថា នេះប្រហែលជាចេតនារបស់អ្នកនិពន្ធក្នុងការសាកល្បង «Mindfulness» របស់អ្នកអាន ។ ខ្ញុំក៏មិនច្បាស់ដែរ ! នេះគ្រាន់តែជាការប៉ាន់ស្មានរបស់ខ្ញុំប៉ុណ្ណោះ ។
រៀបរាប់ប៉ុណ្ណឹងចុះ ! ស្អែកខ្ញុំនឹងបន្តអានសៀវភៅ «សុខចិត្ត និង គុណភាពនៃជីវិត» ដែលជាសៀវភៅដែលខ្ញុំធ្លាប់អានម្ដងរួចមកហើយ កាលពីចុងឆ្នាំ២០១៧ ។
រាត្រីសួស្ដី!
COMMENTS