ធម្មទាននៃការរៀនពាក្យខ្មែរ សំណង តើ "សំណង" គឺជានាមស័ព្ទរបស់កិរិយាស័ព្ទ "សង" ឬ "ស្នង"? សំណង. នាមសព្ទ: ប...
សំណង
តើ "សំណង" គឺជានាមស័ព្ទរបស់កិរិយាស័ព្ទ "សង" ឬ "ស្នង"?
សំណង. នាមសព្ទ: ប្រាក់ឬរបស់ដែលសង
យកសំណង ៥ រៀល ។
គុណសព្ទ. ដែលគេសងឬដែលសងគេ: ប្រាក់សំណង, បានសំណង ។
ស្នង. នាមសព្ទ: តំណាង ។ ឋានន្តរក្រមការខែត្រក្នុងរជ្ជកាលពីដើម ។
កិរិយាសព្ទ. ជួល, ចេញខ្លួនជាតំណាង: កូនស្នងឪពុក ។
គុណសព្ទ. ដែលជាតំណាង, ជាជំនួស:
ព្រះពុទ្ធរូបស្នងព្រះអង្គ ។
ស្នងការ មន្ត្រីទទួលភារៈត្រួតត្រារបៀបរៀបរយនិងសន្តិសុខក្នុងទីក្រុង : ទទួលបង្គាប់ពីលោកស្នងការ;សមាជិកនៃគណៈកម្មការដែលទទួលមុខងារជាអ្នកចាត់ការផ្សេងៗជាតំណាងសមាគមណាមួយ : គួរចាត់ស្នងការពីររូបឲ្យទៅ ប្រស្រ័យទាក់ទងពីរឿងនោះ (បារ. Commissaire) ។ ស្នងការដ្ឋាន ទីតាំងឬទីចាត់ការរបស់ស្នងការ ។
ព. ទ. បុ. ទំពាំងស្នងឫស្សី (ម. ព. ទំពាំង) ។
ស្នងព្រះនេត្រ ( រ. ស. ) ស្នងភ្នែក ( វ៉ែនតា ) ។
ស្នងព្រះហស្ត ( រ. ស. ) វែករាប់បាត្រ ។
ស្នងព្រះអង្គុលី (រ. ស.) ស្លាបព្រា, សម ។
ស្នងភ្នែក វ៉ែនតា ( សម្រាប់សាធារណជន ) ។ តបស្នង សងតបវិញ, តបឧបការគុណ: ធ្វើបុណ្យតបស្នងសងគុណមាតាបិតា ។ ល ។
បច្ចុប្បន្ននេះ វាមានការយល់ច្រឡំថា "សំណង" គឺជានាមស័ព្ទរបស់កិរិយាស័ព្ទ "ស្នង" ដោយគេបានសរសេរថា "សំណងសូរ" ដែលគេចង់ប្រើសំដៅដល់ពាក្យ "ការស្នងសូរ" ទៅវិញ...
ឯកសារយោង៖ វចនានុក្រមរបស់សម្ដេចព្រះសង្ឃរាជ ជួន ណាត ជោតញ្ញាណោ
ស្រង់ពីហ្វេសប៊ុកលោក ទុត-បូ (ចុះផ្សាយ៖ ៣០ សីហា ២០២០)
COMMENTS