ធម្មទាននៃការរៀនពាក្យខ្មែរ យបោង? ខ្ញុំបានឃើញដោយចៃដន្យនៃការប្រើពាក្យ "យបោង" នៅក្នុងអត្ថបទមួយ នៅក្នុងហ្វេសប៊ុក នា...
យបោង?
ខ្ញុំបានឃើញដោយចៃដន្យនៃការប្រើពាក្យ "យបោង" នៅក្នុងអត្ថបទមួយ នៅក្នុងហ្វេសប៊ុក នាសប្ដាហ៍កន្លងទៅនេះ។
ក្នុងអត្ថបទនោះ គេប្រើពាក្យ "យបោង" ជានាមរបស់កិរិយាសព្ទ "យោង" គឺសំដៅដល់ពាក្យ "ការយោង ឬ លេខយោង"...
បានឃើញពាក្យដ៏ចម្លែកនេះ ខ្ញុំហាក់បីដូចជាស្រឡាំងកាំងភាន់ភាំងស្មារតី រួចឃ្មាតខ្មីបើកវចនានុក្រមរបស់សម្ដេចព្រះសង្ឃរាជ ជួន ណាត រកមើលពាក្យ "យបោង" នេះ តែខ្ញុំរកមិនឃើញសោះឡើយ...
ជាការពិត យើងធ្លាប់បានឃើញកិរិយាសព្ទច្រើនណាស់ ដែលចាប់ផ្ដើមដោយតួអក្សរ "យ" ដូចជា៖
-យក យល់ យាង យាម យារ យួរ យោង...
ក៏ប៉ុន្តែនាមសព្ទរបស់កិរិយាសព្ទទាំងនោះគឺ៖
-ការយក ការយល់ ការយាង ការយាម ការយារ ការយួរ ការយោង/លេខយោង...
ហើយវាមិនមែនជា យបក យបល់ យបាង យបាម យបារ យបួរ យបោង នោះឡើយ...
នៅក្នុងសៀវភៅភាសាខ្មែរ ការល្បងពិនិត្យដោយរកហេតុផល របស់លោក អៀវ កើស មានប្រើពាក្យ "លេខយោង" ...
ឯកសារយោង៖
- វចនានុក្រមរបស់សម្ដេចព្រះសង្ឃរាជ ជួន ណាត ជោតញ្ញាណោ
- សៀវភៅភាសាខ្មែរ ការល្បងពិនិត្យដោយរកហេតុផល របស់លោក អៀវ កើស បោះពុម្ពឆ្នាំ១៩៥០
ស្រង់ពីហ្វេសប៊ុកលោក ទុត-បូ (ចុះផ្សាយ៖ ២៨ ធ្នូ ២០២០)
COMMENTS