កម្មវិធី "ធីតា​ឯក​សង្ក្រាន្ត"

"ធីតា​ឯក​សង្ក្រាន្ត" ជា​កម្មវិធី​ថ្នាក់​ជាតិ​មួយ ដែល​រៀបចំ​និង​បង្កើត​ឡើង​ដោយ​ក្រុមហ៊ុន ហ្វឺស យូណាយ ណេតវើក អេនធើធិនម៉ិន ឯ.ក ហៅ​កាត...

"ធីតា​ឯក​សង្ក្រាន្ត" ជា​កម្មវិធី​ថ្នាក់​ជាតិ​មួយ ដែល​រៀបចំ​និង​បង្កើត​ឡើង​ដោយ​ក្រុមហ៊ុន ហ្វឺស យូណាយ ណេតវើក អេនធើធិនម៉ិន ឯ.ក ហៅ​កាត់​ថា (FUN Entertainment) ដោយ​មាន​ការ​ចូលរួម​សហការ​និង​គាំទ្រ​ពី​ក្រសួង​វប្បធម៌ និង​វិចិត្រសិល្បៈ, ក្រសួង​ព័ត៌មាន, អគ្គនាយកដ្ឋាន​ទូរទស្សន៍​ជាតិ​កម្ពុជា, និង​ផ្នែក​ពាក់ព័ន្ធ​មួយ​ចំនួន​ទៀត។

​អ្នក​រៀបចំ​កម្មវិធី​បាន​ឱ្យ​ដឹង​ថា គោលបំណង​ក្នុង​ការ​បង្កើត​កម្មវិធី​ប្រកួត​ជ្រើសរើស​ធីតា​ឯក​សង្ក្រាន្ត​ឆ្នាំ២០២១ នេះ គឺ​ដើម្បី​ចូលរួម​អបអរសាទរ ក្នុង​ឱកាស​បុណ្យ​ចូលឆ្នាំ​ប្រពៃណី​ជាតិ​ខ្មែរ, និង​ចង់​បញ្ជ្រាប​នូវ​ចំណេះដឹង​អំពី​វប្បធម៌ អរិយធម៌ ប្រវត្តិសាស្ត្រ ដែល​ជា​ចំណេះដឹង​ដែល​កូន​ខ្មែរ​គ្រប់​ជំនាន់​ត្រូវ​យល់ដឹង​និង​ចងចាំ​ទុក។ មួយវិញទៀត គឺ​ដើម្បី​បង្ហាញ​ពី​ការ​ច្នៃប្រឌិត ក្នុង​ការ​រចនា​សំលៀកបំពាក់​បុរាណ ដើម្បី​អោយ​ត្រូវ​ទៅ​តាម​ក្បួនខ្នាត​របស់​វប្បធម៌​យើង ដែល​មាន​ជា​យូរយារ​ណាស់​មក​ហើយ។ ចំណែក​ឯ​មួយ​ផ្នែក​ទៀត គឺ​ចង់​បង្ហាញ​អំពី​ការ​លើក​កម្ពស់​និង​ឲ្យ​តម្លៃ​ដល់​ស្ត្រី ក្នុង​ការ​ចូលរួម​កិច្ច​ការងារ​ក្នុង​សង្គម កិច្ច​ការងារ​មនុស្សធម៌ រួម​ទាំង​ការ​ចែករំលែក​នូវ​ចំណេះដឹង​ទាក់ទង​នឹង​ផល​ប៉ះពាល់​ដល់​បរិស្ថាន​ដោយ​សារ​ការ​ប្រើប្រាស់​ថង់​ផ្លាស្ទិច ជាដើម។

គួរ​រម្លឹក​​ថា "ធីតា​ឯក​សង្ក្រាន្ត" ត្រូវ​បាន​បង្កើត​និង​រៀបចំ​ឡើង​ជា​លើក​ដំបូង​នៅ​ឆ្នាំ២០២០ ហើយ​គិត​ត្រឹម​ឆ្នាំ២០២១ នេះ កម្មវិធី​ថ្នាក់​ជាតិ​ដ៏​ពិសេស​នេះ ត្រូវ​បាន​រៀបចំឡើង​ចំនួន​ពីរ​រដូវ​កាល​មក​ហើយ។

- ម្ចាស់​ជយលាភី​លេខ១ ធីតាឯកសង្ក្រាន្តរដូវកាលទី១ ឆ្នាំ២០២០ មានឈ្មោះថា គីង វិច្ឆិកា។
- ម្ចាស់​ជយលាភី ធីតាឯកសង្ក្រាន្តរដូវកាលទី២ ឆ្នាំ២០២១ មាន​ចំនួន ៧ រូប, ក្នុង​នោះ ជយលាភី​ឯក ឈ្មោះ សាន្ត កុសុមៈ។

សូម​បញ្ជាក់​ផង​ដែរ​ថា បេក្ខនារី បន្ទាប់ពី​ត្រូវ​បាន​ប្រកាស​ជាប់​ជា​ជយលាភី​និង​ជយលាភី​ឯក នៅ​ក្នុង​កម្មវិធី​ប្រកួតប្រជែង​មួយ​នេះ នឹង​ត្រូវ​ក្លាយ​ជា​តួអង្គ ទេវតា​ឆ្នាំ​ថ្មី របស់​ស្ថានីយ៍​ទូរទស្សន៍​ជាតិ​កម្ពុជា (ទទក)៕


យោង៖
- https://www.poraman.com/content/entertainment/local+4927
- https://news.sabay.com.kh/article/1193070
- https://news.sabay.com.kh/article/1265215
- https://www.postkhmer.com/%E1%9E%87%E1%9E%B8%E1%9E%9C%E1%9E%B7%E1%9E%8F%E1%9E%80%E1%9E%98%E1%9F%92%E1%9E%9F%E1%9E%B6%E1%9E%93%E1%9F%92%E1%9E%8F/%E1%9E%9F%E1%9F%92%E1%9E%9A%E1%9E%B8%E1%9E%9F%E1%9F%92%E1%9E%9A%E1%9E%9F%E1%9F%8B-%E1%9E%9F%E1%9E%B6%E1%9E%93%E1%9F%92%E1%9E%8F-%E1%9E%80%E1%9E%BB%E1%9E%9F%E1%9E%BB%E1%9E%98%E1%9F%88-%E1%9E%82%E1%9F%92%E1%9E%9A%E1%9E%84%E1%9E%98%E1%9E%80%E1%9E%BB%E1%9E%8A%E1%9E%87%E1%9E%B6%E1%9E%80%E1%9E%89%E1%9F%92%E1%9E%89%E1%9E%B6%E1%9E%92%E1%9E%B8%E1%9E%8F%E1%9E%B6%E1%9E%AF%E1%9E%80%E1%9E%9F%E1%9E%84%E1%9F%92%E1%9E%80%E1%9F%92%E1%9E%9A%E1%9E%B6%E1%9E%93%E1%9F%92%E1%9E%8F%E1%9E%86%E1%9F%92%E1%9E%93%E1%9E%B6%E1%9F%86-%E1%9F%A2%E1%9F%A0%E1%9F%A2%E1%9F%A1