តាមពិត អត្ថបទនេះត្រូវសរសេរថ្ងៃម្សិលមិញ ព្រោះខ្ញុំបានទិញ Kindle នេះ នៅថ្ងៃទី ២០ កាលពីឆ្នាំមុន។ តែម្សិលមិញត្រូវចំថ្ងៃដែលខ្...
តាមពិត អត្ថបទនេះត្រូវសរសេរថ្ងៃម្សិលមិញ ព្រោះខ្ញុំបានទិញ Kindle នេះ នៅថ្ងៃទី ២០ កាលពីឆ្នាំមុន។ តែម្សិលមិញត្រូវចំថ្ងៃដែលខ្ញុំទទួលសញ្ញាបត្រ (កាលពីឆ្នាំ ២០១៩); ហេតុនេះហើយ ទើបត្រូវប្ដូរមកបង្ហើរអារម្មណ៍នៅថ្ងៃនេះជំនួសវិញ។
ខ្ញុំនៅចាំថា ខ្ញុំធ្លាប់និយាយប្រាប់មិត្តខ្ញុំថា ខ្ញុំអាចកាត់ចិត្តបានហើយថាខ្ញុំនឹងមិនទិញ Kindle ទេ។ កំលុងខែកក្កដា ឆ្នាំ ២០១៨ មិត្តខ្ញុំបាននិយាយនឹងខ្ញុំអំពីការទិញ Kindle នេះ ម្ដងទៀត។ គាត់ថា បើខ្ញុំនៅចង់បានវា គាត់អាចជួយចេញប្រាក់ហាសិបភាគរយឲ្យខ្ញុំទិញ Kindle។ កាលនោះ ខ្ញុំនៅតែគិតថា វាមិនចាំបាច់សម្រាប់ខ្ញុំទេ; ព្រោះក្នុងពេលនោះ ខ្ញុំកំពុងជក់ចិត្តនឹងការសំងំអានសៀវភៅក្នុងបណ្ណាល័យសាលា។ នៅកំលុងខែមេសា ឆ្នាំ ២០១៩ ខ្ញុំបានចាប់ផ្ដើមបម្រើការងារនៅក្នុងក្រុមហ៊ុនឯកជនមួយនៅជិតសាកលវិទ្យាល័យភូមិន្ទភ្នំពេញ។ ពេលនោះហើយជាពេលដែលខ្ញុំចាប់ផ្ដើមពិចារណាលើការទិញ Kindle ជាថ្មីម្ដងទៀត។ មិត្តរួមការងារខ្ញុំបានណែនាំខ្ញុំឲ្យទិញ Kindle ហើយនាងថែមទាំងចែករំលែកជាមួយខ្ញុំនូវសៀវភៅមួយចំនួនដែលនាងបានអានទៀតផង។ ក្រោយពេលដែលខ្ញុំផ្លាស់ប្ដូរការងារនៅកំលុងពាក់កណ្ដាលឆ្នាំ ២០២០ ស្របពេលដែលមានការបញ្ចុះតម្លៃផង ខ្ញុំក៏សម្រេចចិត្តទិញ Kindle តែម្ដងទៅ។
នឹកដល់រឿងការអានសៀវភៅ... ខ្ញុំសូមអរគុណចំពោះនារីម្នាក់ដែលជាកម្លាំងជំរុញចិត្តខ្ញុំឲ្យអានសៀវភៅ។ អរគុណដែលនាងបានចំណាយពេលជិតមួយឆ្នាំ កំដរខ្ញុំអានសៀវភៅក្នុងបណ្ណាល័យសាលា។ ខ្ញុំជក់ចិត្តនឹងការអានសៀវភៅ ហើយបានអានសៀវភៅជាច្រើនក្បាលដោយសារវត្តមានរបស់នាង។ អរគុណមិត្តខ្ញុំ Channy Soun ចំពោះទឹកចិត្តដ៏ល្អដែលមានលើរូបខ្ញុំតាំងពីដើមរៀងមក។ សូមអរគុណចំពោះមិត្តរួមការងាររបស់ខ្ញុំ អ្នកគ្រូ Marra Gabatino ដែលបានចែករំលែកចំណេះដឹងនិងសៀវភៅមួយចំនួនឲ្យខ្ញុំបានអាន។
អូ! ខ្ញុំភ្លេច...! បើសួរថា ខ្ញុំយល់យ៉ាងណាចំពោះ Kindle? ខ្ញុំអាចឆ្លើយបានថា វាល្អខ្លាំងណាស់! ដូចដែលអ្នកគ្រូ Marra ធ្លាប់និយាយនឹងខ្ញុំអ៊ីចឹង គឺថា វាល្អ! ទាស់តែម្យ៉ាង... “We can't smell book.” ហាស! ហាស!
តាមពិតទៅ Kindle មានចំណុចល្អជាច្រើនដែលត្រូវលើកមកនិយាយ។ ប៉ុន្តែ សម្រាប់ Kindle ដែលខ្ញុំបានទិញនេះ [Kindle Paperwhite 2016 Menga Edition (32GB)], ខ្ញុំសុំលើកយកចំណុចមួយចំនួនដែលខ្ញុំចាប់អារម្មណ៍បំផុត មានដូចជា រូបរាងនិងទម្ងន់, ទំហំផ្ទុក (Storage), អេក្រង់និងពន្លឺ, និងថាមពលថ្ម។ សម្រាប់រូបរាងនិងទម្ងន់, វាមានរូបរាងតូចស្អាត ងាយយកទៅតាមខ្លួន ហើយវាមានទម្ងន់ស្រាលល្មមកាន់អាន ទោះអានរយៈពេលយូរក៏គ្មានការចុករួយដៃដែរ។ បើនិយាយពីទំហំផ្ទុកវិញ គឺអស្ចារ្យតែម្ដង! វាមានទំហំផ្ទុកដល់ទៅ ៣២ ជីហ្កាបៃ (32GB) ឯណោះ។ អាចនិយាយបានថា វាមានទំហំផ្ទុកធំ (ធំលើសពីតម្រូវការផងក៏មិនដឹង! ហាស! ហាស!)។ ចំពោះអេក្រង់និងពន្លឺវិញ, អេក្រង់គឺមិនចាំងភ្នែកទេ។ ជាមួយកម្រិតពន្លឺដែលអាចបន្ថែមបន្ថយបាន វាធ្វើឲ្យមានភាពងាយស្រួលក្នុងការអានតែម្ដង; យើងអាចអាននៅពេលយប់ ក្នុងទីងងឹតបានទៀតផង។ ថាមពលថ្មវិញក៏ល្អណាស់ដែរ។ សាកថ្មម្ដងៗអាចអានបានច្រើនម៉ោង; មិនសូវខ្វល់ខ្វាយពីរឿងសាកថ្មទេ។ ថ្មកាន់ថាមពលបានយូរ!
ណ្ហើយ! ខ្ជិលរៀបរាប់ច្រើនទៀត! ចង់ដឹងច្បាស់ អាចសាកល្បងទិញបាន។ ខ្ញុំសូមណែនាំ GooShop Cambodia ប្រសិនបើអ្នកទាំងអស់គ្នាមានបំណងចង់ទិញ Kindle និងឧបករណ៍សម្រាប់អានដទៃទៀត។ GooShop Cambodia ផ្ដល់ជូននូវសេវាកម្មល្អ ផលិតផលមានគុណភាព និងតម្លៃសមរម្យ។
ជាចុងក្រោយ សូមអញ្ជើញអ្នកទាំងអស់គ្នារីករាយកម្សាន្តជាមួយវីដេអូរបស់នាងច្រមក់ វិមាន (Rika) នូវការអានរឿង "ដំណើរផ្សងព្រេងដ៏អស្ចារ្យរបស់កាំកាំ" ដែលនាំមកជូនដោយ GooShop Cambodai។
ខ្ញុំនៅចាំថា ខ្ញុំធ្លាប់និយាយប្រាប់មិត្តខ្ញុំថា ខ្ញុំអាចកាត់ចិត្តបានហើយថាខ្ញុំនឹងមិនទិញ Kindle ទេ។ កំលុងខែកក្កដា ឆ្នាំ ២០១៨ មិត្តខ្ញុំបាននិយាយនឹងខ្ញុំអំពីការទិញ Kindle នេះ ម្ដងទៀត។ គាត់ថា បើខ្ញុំនៅចង់បានវា គាត់អាចជួយចេញប្រាក់ហាសិបភាគរយឲ្យខ្ញុំទិញ Kindle។ កាលនោះ ខ្ញុំនៅតែគិតថា វាមិនចាំបាច់សម្រាប់ខ្ញុំទេ; ព្រោះក្នុងពេលនោះ ខ្ញុំកំពុងជក់ចិត្តនឹងការសំងំអានសៀវភៅក្នុងបណ្ណាល័យសាលា។ នៅកំលុងខែមេសា ឆ្នាំ ២០១៩ ខ្ញុំបានចាប់ផ្ដើមបម្រើការងារនៅក្នុងក្រុមហ៊ុនឯកជនមួយនៅជិតសាកលវិទ្យាល័យភូមិន្ទភ្នំពេញ។ ពេលនោះហើយជាពេលដែលខ្ញុំចាប់ផ្ដើមពិចារណាលើការទិញ Kindle ជាថ្មីម្ដងទៀត។ មិត្តរួមការងារខ្ញុំបានណែនាំខ្ញុំឲ្យទិញ Kindle ហើយនាងថែមទាំងចែករំលែកជាមួយខ្ញុំនូវសៀវភៅមួយចំនួនដែលនាងបានអានទៀតផង។ ក្រោយពេលដែលខ្ញុំផ្លាស់ប្ដូរការងារនៅកំលុងពាក់កណ្ដាលឆ្នាំ ២០២០ ស្របពេលដែលមានការបញ្ចុះតម្លៃផង ខ្ញុំក៏សម្រេចចិត្តទិញ Kindle តែម្ដងទៅ។
នឹកដល់រឿងការអានសៀវភៅ... ខ្ញុំសូមអរគុណចំពោះនារីម្នាក់ដែលជាកម្លាំងជំរុញចិត្តខ្ញុំឲ្យអានសៀវភៅ។ អរគុណដែលនាងបានចំណាយពេលជិតមួយឆ្នាំ កំដរខ្ញុំអានសៀវភៅក្នុងបណ្ណាល័យសាលា។ ខ្ញុំជក់ចិត្តនឹងការអានសៀវភៅ ហើយបានអានសៀវភៅជាច្រើនក្បាលដោយសារវត្តមានរបស់នាង។ អរគុណមិត្តខ្ញុំ Channy Soun ចំពោះទឹកចិត្តដ៏ល្អដែលមានលើរូបខ្ញុំតាំងពីដើមរៀងមក។ សូមអរគុណចំពោះមិត្តរួមការងាររបស់ខ្ញុំ អ្នកគ្រូ Marra Gabatino ដែលបានចែករំលែកចំណេះដឹងនិងសៀវភៅមួយចំនួនឲ្យខ្ញុំបានអាន។
អូ! ខ្ញុំភ្លេច...! បើសួរថា ខ្ញុំយល់យ៉ាងណាចំពោះ Kindle? ខ្ញុំអាចឆ្លើយបានថា វាល្អខ្លាំងណាស់! ដូចដែលអ្នកគ្រូ Marra ធ្លាប់និយាយនឹងខ្ញុំអ៊ីចឹង គឺថា វាល្អ! ទាស់តែម្យ៉ាង... “We can't smell book.” ហាស! ហាស!
តាមពិតទៅ Kindle មានចំណុចល្អជាច្រើនដែលត្រូវលើកមកនិយាយ។ ប៉ុន្តែ សម្រាប់ Kindle ដែលខ្ញុំបានទិញនេះ [Kindle Paperwhite 2016 Menga Edition (32GB)], ខ្ញុំសុំលើកយកចំណុចមួយចំនួនដែលខ្ញុំចាប់អារម្មណ៍បំផុត មានដូចជា រូបរាងនិងទម្ងន់, ទំហំផ្ទុក (Storage), អេក្រង់និងពន្លឺ, និងថាមពលថ្ម។ សម្រាប់រូបរាងនិងទម្ងន់, វាមានរូបរាងតូចស្អាត ងាយយកទៅតាមខ្លួន ហើយវាមានទម្ងន់ស្រាលល្មមកាន់អាន ទោះអានរយៈពេលយូរក៏គ្មានការចុករួយដៃដែរ។ បើនិយាយពីទំហំផ្ទុកវិញ គឺអស្ចារ្យតែម្ដង! វាមានទំហំផ្ទុកដល់ទៅ ៣២ ជីហ្កាបៃ (32GB) ឯណោះ។ អាចនិយាយបានថា វាមានទំហំផ្ទុកធំ (ធំលើសពីតម្រូវការផងក៏មិនដឹង! ហាស! ហាស!)។ ចំពោះអេក្រង់និងពន្លឺវិញ, អេក្រង់គឺមិនចាំងភ្នែកទេ។ ជាមួយកម្រិតពន្លឺដែលអាចបន្ថែមបន្ថយបាន វាធ្វើឲ្យមានភាពងាយស្រួលក្នុងការអានតែម្ដង; យើងអាចអាននៅពេលយប់ ក្នុងទីងងឹតបានទៀតផង។ ថាមពលថ្មវិញក៏ល្អណាស់ដែរ។ សាកថ្មម្ដងៗអាចអានបានច្រើនម៉ោង; មិនសូវខ្វល់ខ្វាយពីរឿងសាកថ្មទេ។ ថ្មកាន់ថាមពលបានយូរ!
ណ្ហើយ! ខ្ជិលរៀបរាប់ច្រើនទៀត! ចង់ដឹងច្បាស់ អាចសាកល្បងទិញបាន។ ខ្ញុំសូមណែនាំ GooShop Cambodia ប្រសិនបើអ្នកទាំងអស់គ្នាមានបំណងចង់ទិញ Kindle និងឧបករណ៍សម្រាប់អានដទៃទៀត។ GooShop Cambodia ផ្ដល់ជូននូវសេវាកម្មល្អ ផលិតផលមានគុណភាព និងតម្លៃសមរម្យ។
ជាចុងក្រោយ សូមអញ្ជើញអ្នកទាំងអស់គ្នារីករាយកម្សាន្តជាមួយវីដេអូរបស់នាងច្រមក់ វិមាន (Rika) នូវការអានរឿង "ដំណើរផ្សងព្រេងដ៏អស្ចារ្យរបស់កាំកាំ" ដែលនាំមកជូនដោយ GooShop Cambodai។
COMMENTS