សៀវភៅនេះជាប្រភេទសៀវភៅលើកទឹកចិត្ត ដែលស្នាដៃនិពន្ធរបស់លោកស្រី ឈួន ច័ន្ទធីតា - Jessi Yun មានកម្រាស់ប្រមាណ ២០០ ទំព័រ ហើយត្រូវបានច...
សៀវភៅនេះជាប្រភេទសៀវភៅលើកទឹកចិត្ត ដែលស្នាដៃនិពន្ធរបស់លោកស្រី ឈួន ច័ន្ទធីតា - Jessi Yun មានកម្រាស់ប្រមាណ ២០០ ទំព័រ ហើយត្រូវបានចែកចេញជា ១៥ ជំពូក។ ខ្ញុំចំណាយពេលអស់ប្រហែល ៦ ម៉ោង ចាប់ពីពេលរសៀលម៉ោងជិត ២ រហូតដល់ល្ងាច ម៉ោងប្រហែល ៧ ទើបអានសៀវភៅនេះចប់។ ខ្ញុំខានអានសៀវភៅជាប់ច្រើនម៉ោងបែបនេះយូរហើយ។ មួយរយៈចុងក្រោយនេះ ខ្ញុំឆ្លៀតពេលអានសៀវភៅបានបន្តិចៗប៉ុណ្ណោះ គឺថា យ៉ាងច្រើនបំផុតបានត្រឹមជាង ៤០ នាទី អីហ្នឹងក្នុងមួយថ្ងៃ។ កាលពីមុន ខ្ញុំមានពេលទំនេរច្រើន គិតតែពីទៅបណ្ណាល័យអានសៀវភៅតាំងពីព្រឹកទល់យប់ មួយថ្ងៃអាចអានចប់មួយក្បាលឬអាចអានចប់លើសពីមួយក្បាល។ ខ្ញុំខានធ្វើបែបនេះយូរហើយ!
សម្រាប់ខ្ញុំ សៀវភៅនេះមានភាពងាយស្រួលក្នុងការអានណាស់។ ខ្ញុំអាចផ្ចង់អារម្មណ៍អានបានដោយងាយ ហើយគ្មានទទួលអារម្មណ៍ធុញទ្រាន់អ្វីទេក្នុងការអានរយៈពេល ៦ ម៉ោងនេះ។ ខ្ញុំអានចប់មួយជំពូកចូលមួយជំពូក យ៉ាងជក់ចិត្តក្រៃលែង។ ខ្ញុំយល់ថា សៀវភៅនេះជាសៀវភៅមួយក្បាលដ៏ល្អ ដែលបង្កប់ដោយគំនិត បទពិសោធ និងការលើទឹកចិត្ត ជំរុញការផ្លាស់ប្ដូរនិងអភិវឌ្ឍខ្លួនឲ្យកាន់តែប្រសើរឡើង។ ខ្ញុំសុំមិនរៀបរាប់អ្វីច្រើនពីសៀវភៅនេះបន្តទេ ដោយទុកភារកិច្ចឲ្យប្រិយមិត្តអានសៀវភៅនេះនិងស្វែងយល់ដោយខ្លួនឯងចុះ។
មុននឹងបញ្ចប់ ខ្ញុំសូមសម្ដែងនូវអំណរគុណដ៏ជ្រាលជ្រៅចំពោះអ្នកនិពន្ធ ដែលបានចែករំលែកនូវបទពិសោធជីវិត និងចំណេះដឹងដ៏មានតម្លៃតាមរយៈសៀវភៅមួយក្បាលនេះ។ ខ្ញុំសូមចូលរួមលើកទឹកចិត្តដល់ការតែងនិពន្ធរបស់អ្នកនិពន្ធខ្មែរយើង ជាពិសេសអ្នកនិពន្ធវ័យក្មេងដែលជាយុវវ័យសម័យថ្មី។ ខ្ញុំសង្ឃឹមថា វិស័យការអាននិងការតែងនិពន្ធនៅកម្ពុជាយើងនឹងកាន់ការរីកចម្រើនទៅមុខជាលំដាប់។
អូ! ខ្ញុំនៅមានសៀវភៅមួយក្បាលទៀត ដែលជាស្នាដៃប្រែសម្រួលរបស់លោកស្រី ឈួន ច័ន្ទធីតា - Jessi Yun គឺសៀវភៅ «ផ្នត់គំនិត - Mindset»។ ជាបន្តទៅទៀត ខ្ញុំនឹងអានសៀវភៅនេះ ហើយឆ្លៀតពេលអានបញ្ចប់សៀវភៅជាភាសាអង់គ្លេសមួយក្បាលទៀត គឺសៀវភៅ «The Book of Calm»។ ខ្ញុំសង្ឃឹមថា ខ្ញុំនឹងអាចអានបញ្ចប់សៀវភៅទាំងពីរក្បាលនេះឲ្យបានមុនដំណាច់ឆ្នាំ២០២១។
ប៉ុណ្ណឹងសិនចុះ! ជួបគ្នាពេលក្រោយទៀត!
មុននឹងបញ្ចប់ ខ្ញុំសូមសម្ដែងនូវអំណរគុណដ៏ជ្រាលជ្រៅចំពោះអ្នកនិពន្ធ ដែលបានចែករំលែកនូវបទពិសោធជីវិត និងចំណេះដឹងដ៏មានតម្លៃតាមរយៈសៀវភៅមួយក្បាលនេះ។ ខ្ញុំសូមចូលរួមលើកទឹកចិត្តដល់ការតែងនិពន្ធរបស់អ្នកនិពន្ធខ្មែរយើង ជាពិសេសអ្នកនិពន្ធវ័យក្មេងដែលជាយុវវ័យសម័យថ្មី។ ខ្ញុំសង្ឃឹមថា វិស័យការអាននិងការតែងនិពន្ធនៅកម្ពុជាយើងនឹងកាន់ការរីកចម្រើនទៅមុខជាលំដាប់។
អូ! ខ្ញុំនៅមានសៀវភៅមួយក្បាលទៀត ដែលជាស្នាដៃប្រែសម្រួលរបស់លោកស្រី ឈួន ច័ន្ទធីតា - Jessi Yun គឺសៀវភៅ «ផ្នត់គំនិត - Mindset»។ ជាបន្តទៅទៀត ខ្ញុំនឹងអានសៀវភៅនេះ ហើយឆ្លៀតពេលអានបញ្ចប់សៀវភៅជាភាសាអង់គ្លេសមួយក្បាលទៀត គឺសៀវភៅ «The Book of Calm»។ ខ្ញុំសង្ឃឹមថា ខ្ញុំនឹងអាចអានបញ្ចប់សៀវភៅទាំងពីរក្បាលនេះឲ្យបានមុនដំណាច់ឆ្នាំ២០២១។
ប៉ុណ្ណឹងសិនចុះ! ជួបគ្នាពេលក្រោយទៀត!
COMMENTS