យប់នេះ ខ្ញុំចង់សរសេររៀបរាប់អំពីបុញ្ញកម្មដែលបានបំពេញហើយនាពេលកន្លងមកក្នុងឆ្នាំនេះ។ ចាត់ទុកជាការចងចាំនិងជាទីនឹករឭកដល់...
យប់នេះ ខ្ញុំចង់សរសេររៀបរាប់អំពីបុញ្ញកម្មដែលបានបំពេញហើយនាពេលកន្លងមកក្នុងឆ្នាំនេះ។ ចាត់ទុកជាការចងចាំនិងជាទីនឹករឭកដល់បុណ្យដែលបានបំពេញហើយ។ ក្នុងឆ្នាំនេះ ខ្ញុំបានរៀបចំផែនការការងារប្រចាំឆ្នាំយឺតយ៉ាវបន្តិច ដោយចូលមកដល់ដើមខែមករាទៅហើយទើបខ្ញុំបានរៀបចំផែនការទាំងនោះ។ សម្រាប់ផែនការក្នុងឆ្នាំនេះ ខ្ញុំបានរៀបចំផែនការដោយផ្ដោតលើការរៀបចំសរសេរសារណាបញ្ចប់ថ្នាក់បរិញ្ញាបត្រជាន់ខ្ពស់ ការរៀបចំ Blog ឡើងវិញ ការផ្ដោតការយកចិត្តទុកដាក់លើសុខភាពផ្លូវចិត្ត ការអានសៀវភៅ ការសរសេរកំណត់ហេតុ និងការសិក្សាព្រះធម៌។
បុណ្យមាឃបូជាក្នុងឆ្នាំនេះ ខ្ញុំមិនបានចូលរួមនោះទេ ដោយសារជាប់រវល់ក្នុងកម្មវិធីបុណ្យឆ្លងចេតិយនៅឯស្រុកកំណើត។ ចំណែកឯបុណ្យវិសាខបូជាវិញ ខ្ញុំបានចូលរួមនៅវត្តនិគ្រោធវ័ន គល់ទទឹង។ ក្នុងកម្មវិធីបុណ្យវិសាខបូជានេះ ខ្ញុំបានចូលរួមហែព្រះបរមសារីរិកធាតុ។ ខ្ញុំចាំថា ខ្ញុំបានចូលរួមហែព្រះបរមសារីរិកធាតុក្រោមតំណក់ទឹកភ្លៀងដែលបង្អុរមកយ៉ាងជោកជាំ ហើយនៅបន្តបំពេញបុណ្យដល់យប់បន្តទៀតទើបត្រលប់មកផ្ទះវិញ។ ដោយឃើញថា នាខាងដើមឆ្នាំនេះ ខ្ញុំបានរក្សាឧបោសថដ៏តិចតួចណាស់ ទើបក្រោយអំពីបុណ្យវិសាខបូជា ខ្ញុំក៏គិតរៀបចំដើម្បីរក្សាឧបោសថឡើងវិញតាមដែលអាចធ្វើទៅបាន។ ខ្ញុំបានរក្សាបកតិឧបោសថខ្លះៗឡើងវិញ ហើយបានឆ្លៀតពេលវេលាអាននិងស្ដាប់ធម៌ ជាពិសេសគឺមើលវីដេអូបង្រៀនព្រះអភិធម្ម របស់អ្នកគ្រូអមរាទេវី។ ក្នុងវស្សានេះ ខ្ញុំមានសេចក្ដីជ្រះថ្លា បានរៀបចំរក្សានូវឧបោសថជាប់អស់ពេលពេញបីខែ។ ខ្ញុំបានចាប់ផ្ដើមដោយទទួលនូវឧបោសថចាប់ពីថ្ងៃ១៣កើត ខែអាសាឍ តទៅ រហូតដល់ថ្ងៃបវារណាចេញព្រះវស្សា ដោយក្នុងចន្លោះពេលនេះ ខ្ញុំនឹងរក្សានូវឧបោសថនិងបដិជាគរឧបោសថជាបន្តបន្ទាប់រៀងទៅ រួចជូនដំណើរឧបោសថក្នុងវស្សានេះនៅថ្ងៃ១រោច ខែអស្សុជ។ សូមលោកអ្នកទាំងឡាយអនុមោទនានូវបុណ្យដែលបានបំពេញមកហើយ និងបុណ្យទាំងឡាយដែលនឹងសម្រេចក្នុងកាលខាងមុខក្នុងវស្សានេះ មានកុសលថ្នាក់សីលក្នុងឧបោសថសីលនេះជាដើម។ សូមបានជាឧបនិស្ស័យក្នុងព្រះសាសនា ជ្រះថ្លាទៅក្នុងគុណព្រះរតនត្រ័យ និងបានជាបច្ច័យក្នុងកិច្ចធ្វើឲ្យជាក់ច្បាស់នូវព្រះនិព្វាន អស់នូវអាសវក្កិលេស ត្រាស់ដឹងនូវធម៌ ឰដ៏អនាគតកាលដ៏សមគួរខាងមុខ។
បុណ្យមាឃបូជាក្នុងឆ្នាំនេះ ខ្ញុំមិនបានចូលរួមនោះទេ ដោយសារជាប់រវល់ក្នុងកម្មវិធីបុណ្យឆ្លងចេតិយនៅឯស្រុកកំណើត។ ចំណែកឯបុណ្យវិសាខបូជាវិញ ខ្ញុំបានចូលរួមនៅវត្តនិគ្រោធវ័ន គល់ទទឹង។ ក្នុងកម្មវិធីបុណ្យវិសាខបូជានេះ ខ្ញុំបានចូលរួមហែព្រះបរមសារីរិកធាតុ។ ខ្ញុំចាំថា ខ្ញុំបានចូលរួមហែព្រះបរមសារីរិកធាតុក្រោមតំណក់ទឹកភ្លៀងដែលបង្អុរមកយ៉ាងជោកជាំ ហើយនៅបន្តបំពេញបុណ្យដល់យប់បន្តទៀតទើបត្រលប់មកផ្ទះវិញ។ ដោយឃើញថា នាខាងដើមឆ្នាំនេះ ខ្ញុំបានរក្សាឧបោសថដ៏តិចតួចណាស់ ទើបក្រោយអំពីបុណ្យវិសាខបូជា ខ្ញុំក៏គិតរៀបចំដើម្បីរក្សាឧបោសថឡើងវិញតាមដែលអាចធ្វើទៅបាន។ ខ្ញុំបានរក្សាបកតិឧបោសថខ្លះៗឡើងវិញ ហើយបានឆ្លៀតពេលវេលាអាននិងស្ដាប់ធម៌ ជាពិសេសគឺមើលវីដេអូបង្រៀនព្រះអភិធម្ម របស់អ្នកគ្រូអមរាទេវី។ ក្នុងវស្សានេះ ខ្ញុំមានសេចក្ដីជ្រះថ្លា បានរៀបចំរក្សានូវឧបោសថជាប់អស់ពេលពេញបីខែ។ ខ្ញុំបានចាប់ផ្ដើមដោយទទួលនូវឧបោសថចាប់ពីថ្ងៃ១៣កើត ខែអាសាឍ តទៅ រហូតដល់ថ្ងៃបវារណាចេញព្រះវស្សា ដោយក្នុងចន្លោះពេលនេះ ខ្ញុំនឹងរក្សានូវឧបោសថនិងបដិជាគរឧបោសថជាបន្តបន្ទាប់រៀងទៅ រួចជូនដំណើរឧបោសថក្នុងវស្សានេះនៅថ្ងៃ១រោច ខែអស្សុជ។ សូមលោកអ្នកទាំងឡាយអនុមោទនានូវបុណ្យដែលបានបំពេញមកហើយ និងបុណ្យទាំងឡាយដែលនឹងសម្រេចក្នុងកាលខាងមុខក្នុងវស្សានេះ មានកុសលថ្នាក់សីលក្នុងឧបោសថសីលនេះជាដើម។ សូមបានជាឧបនិស្ស័យក្នុងព្រះសាសនា ជ្រះថ្លាទៅក្នុងគុណព្រះរតនត្រ័យ និងបានជាបច្ច័យក្នុងកិច្ចធ្វើឲ្យជាក់ច្បាស់នូវព្រះនិព្វាន អស់នូវអាសវក្កិលេស ត្រាស់ដឹងនូវធម៌ ឰដ៏អនាគតកាលដ៏សមគួរខាងមុខ។
ខ្ញុំនឹងបន្តសរសេររៀបរាប់បន្តិចទៀតអំពីការចូលរួមក្នុងកម្មវិធីបុណ្យអាសាឡ្ហបូជា ក្នុងថ្ងៃនេះ។ រសៀលនេះ ខ្ញុំបានទៅចូលរួមក្នុងកម្មវិធីបុណ្យអាសាឡ្ហបូជានៅវត្តនិគ្រោធវ័ន គល់ទទឹង។ ខ្ញុំបានចេញដំណើរនៅម៉ោងជិតមួយរសៀល។ ទៅដល់វត្ត ខ្ញុំដើររេរាបន្តិច ហើយក៏ដល់ពេលទទួលព្រះបរមសារីរិកធាតុតម្កល់ទុកនៅឯធម្មសភា រួចក៏ដល់ពេលដែលព្រះសង្ឃចម្រើនព្រះបរិត្តល្មម។ លុះស្ដាប់ព្រះបរិត្ត មានធម្មចក្រកប្បវត្តនសូត្រ ជាដើមចប់សព្វគ្រប់ ក៏បន្តស្ដាប់ធម្មទេសនាដែលសម្ដែងដោយលោកម្ចាស់គ្រូ គូ សុភាព និងលោកម្ចាស់គ្រូ ភួង សុវណ្ណ ទៀត។ បន្ទាប់ពីនេះមក ក៏មានកម្មវិធីហែព្រះបរមសារីរិកធាតុក្នុងបរិវេណវត្តជាបន្ត។ ខ្ញុំបានចូលរួមហែព្រះបរមសារីរិកធាតុដូចសព្វដង ដោយមានការស្វាធ្យាយធម៌នមស្សការគុណព្រះរតនត្រ័យអមជាមួយនោះផង។ ដើម្បីបានជាសមាធិក្នុងការស្វាធ្យាយធម៌នោះ ខ្ញុំបានបិទភ្នែក ដោយទុកចន្លោះតែបន្តិចប៉ុណ្ណោះដើម្បីអាចមើលផ្លូវខាងមុខឃើញ។ ខ្ញុំលើកដៃប្រណម្យដោយមានផ្កាដែលនៅសេសសល់កាលពីពេលដែលឈរអមជារបងទទួលព្រះបរមសារីរិកធាតុ។ ផ្កានោះ ខ្ញុំបានទទួលពីឧបាសកមួយរូបដែលឈរនៅខាងមុខខ្ញុំ។ ខ្ញុំបានដកផ្កានោះចេញពីឈើ ហើយបាចបូជាព្រះបរមសារីរិកធាតុអស់ខ្លះ ហើយព្រះបរមសារីរិកធាតុក៏បានហែហួសទៅ រួចខ្ញុំក៏ក្ដាប់ផ្កានោះទុកនៅនឹងដៃ រហូតឡើងដល់ធម្មសភា ខ្ញុំក៏ដោតផ្កាដែលនៅសេសសល់នោះឡើងវិញ។ កំលុងពេលដែលកំពុងហែនោះមកដល់ក្បែរស្រះ ហាក់មានអ្វីម៉្យាងដែលធ្វើឲ្យខ្ញុំងាយបែរមុខទៅខាងឆ្វេងដៃរបស់ខ្ញុំ។ ខ្ញុំបានបើកភ្នែកឡើង ហើយក៏ប្រទះនឹងដៃដែលកំពុងគ្រវីនៅនឹងមុខរបស់ខ្ញុំ។ ខ្ញុំបើកភ្នែកធំឡើងបន្តិច ក៏ឃើញច្បាស់នូវមុខយុវតីម្នាក់ដែលកំពុងញញឹមដាក់ខ្ញុំ ហើយនាងបានហុចផ្កាមកឲ្យខ្ញុំ។ ខ្ញុំបានទទួលយកផ្កាពីនាង ពោលពាក្យអរគុណតបទៅនាងយ៉ាងប្រញាប់ ហើយក៏បិទភ្នែកវិញ រួចបន្តស្វាធ្យាយរហូតដល់ព្រះបរមសារីរិកធាតុត្រូវបានហែដល់ខាងមុខព្រះត្រៃរតនចេតិយ។ ខ្ញុំមិនអាចចងចាំនាងឲ្យបានច្បាស់នោះទេ។ នាងមានរាងខ្ពស់ស្រឡះ ហើយបើខ្ញុំចាំមិនខុសទេ នាងថែមទាំងពាក់ Braces នៅនឹងធ្មេញទៀតផង។ វាជារឿងធម្មតាទេដែលស្ទើរតែរាល់ដង ខ្ញុំទទួលបានផ្កាពីធម្មញាតិធម្មមិត្តបែបនេះ។ ខ្ញុំគ្រាន់តែចង់សរសេររៀបរាប់ទុកជាការចងចាំខ្លះៗប៉ុណ្ណោះ។ ដែលបានមកជួបគ្នានេះ សុទ្ធតែជាឧបនិស្ស័យដែលធ្លាប់បានសាងមក។ អរគុណនូវទឹកចិត្តស្រលាញ់រាប់អាន និងការចែករំលែកក្នុងកិច្ចការជាកុសលនេះ។ រីករាយដែលបានជួប!
ខ្ញុំរៀបរាប់ប៉ុណ្ណឹងចុះ ព្រោះយប់ក៏ជ្រៅណាស់ទៅហើយ។
សូមរីករាយអនុមោទនានូវបុណ្យ និងសូមឲ្យបានរួចផុតចាកទុក្ខគ្រប់ៗគ្នា។
សូមអនុមោទនា!
ខ្ញុំរៀបរាប់ប៉ុណ្ណឹងចុះ ព្រោះយប់ក៏ជ្រៅណាស់ទៅហើយ។
សូមរីករាយអនុមោទនានូវបុណ្យ និងសូមឲ្យបានរួចផុតចាកទុក្ខគ្រប់ៗគ្នា។
សូមអនុមោទនា!
២០ កក្កដា ២០២៤ ម៉ោង ១១:០០ នាទីយប់
COMMENTS