កាលពីរសៀលនេះ ខ្ញុំបានរៀបរាប់ខ្លះមកហើយអំពីឆ្នាំ ២០២៤។ យប់នេះ ខ្ញុំនឹងរៀបរាប់បន្ថែមទៀតអំពីឆ្នាំ ២០២៥ ដែលទើបបានឈានចូលមកដ...
កាលពីរសៀលនេះ ខ្ញុំបានរៀបរាប់ខ្លះមកហើយអំពីឆ្នាំ ២០២៤។ យប់នេះ ខ្ញុំនឹងរៀបរាប់បន្ថែមទៀតអំពីឆ្នាំ ២០២៥ ដែលទើបបានឈានចូលមកដល់ និងកន្លងទៅអស់ពេលប្រហែលពីរខែមកនេះ។ វាហាក់បីដូចជាការមកធ្វើបច្ចុប្បន្នភាពជីវិតរបស់ខ្ញុំសម្រាប់ដើមឆ្នាំ ២០២៥ អ៊ីចឹង។
គិតមកដល់ត្រឹមដើមខែមីនានេះ ខ្ញុំនៅមិនទាន់បានរៀបចំអនុវត្តផែនការការងារឲ្យលេចចេញជាផ្លែផ្កាគួរឲ្យកត់សម្គាល់នោះទេ។ ប៉ុន្តែ បើព្យាយាមមើលក្នុងផ្លូវសុទិដ្ឋិនិយមជាងនេះបន្តិចទៀត ក៏អាចឃើញបានថា ខ្ញុំបានសម្រេចនូវការងារមួយចំនួនដែលគួរនឹងសាទរដែរ។ ប៉ុន្មានខែនៃដើមឆ្នាំនេះ ខ្ញុំបានព្យាយាមរៀបចំផែនការការងារឡើងវិញ និងបានខិតខំអនុវត្តការងារតាមការគ្រោងទុកដែរ តែវានៅមិនទាន់ទទួលបានលទ្ធផលល្អនោះទេ។ ខ្ញុំបានព្យាយាមរៀបចំការងារដើម្បីបញ្ចប់វគ្គបណ្ដុះបណ្ដាលមួយ ដែលខ្ញុំបានចាប់ផ្ដើមសិក្សាតាំងពីខែសីហា ឆ្នាំ ២០២៤ ហើយទើបបានបញ្ចប់ដោយជោគជ័យនៅដើមខែមីនានេះ។ ក្នុងរយៈពេលពីរខែមកនេះ ខ្ញុំបានអានសៀវភៅចំនួន ១៥ ក្បាល។ ខ្ញុំនឹងដាក់ជាបញ្ជីសៀវភៅដែលខ្ញុំបានអាននោះនៅខាងក្រោមនេះ។
សៀវភៅដែលបានអានចប់ក្នុងខែមករា៖
សៀវភៅដែលបានអានចប់ក្នុងខែកុម្ភៈ៖
ខ្ញុំនឹងរៀបរាប់ដោយត្រួសៗអំពីសៀវភៅទាំងនោះ។ ខ្ញុំជ្រើសរើសសៀវភៅខ្លះប៉ុណ្ណោះដើម្បីយកមករៀបរាប់ ដោយសារពេលនេះយប់ជ្រៅណាស់ទៅហើយ។ សៀវភៅ ចិត្តសាស្ត្រសាងសុខ, កូនមាសឪពុក, មនោមយិទ្ធិ, សាងខ្លួនឯង គឺសុទ្ធតែជាសៀវភៅដែលខ្ញុំធ្លាប់បានអានរួចមកហើយកាលពីពេលមុន។ កាលពីដើមខែមករា ខ្ញុំបានរើមើលសៀវភៅចាស់ៗ ហើយក៏ឃើញថា សៀវភៅប៉ុន្មានក្បាលនេះ ខ្ញុំធ្លាប់បានអានរួចមកហើយ តែកាលនោះខ្ញុំមិនទាន់បានរៀបចំកត់ត្រាទុកជាបញ្ជីសៀវភៅដែលបានអាននៅឡើយ ហើយខ្ញុំក៏សម្រេចចិត្តអានសៀវភៅទាំងនោះម្ដងទៀតដើម្បីកត់ត្រាទុកជាថ្មីឡើងវិញ។ ចំណែកឯសៀវភៅជាភាសាអង់គ្លេសទាំងអស់ដែលខ្ញុំបានអានទាំងក្នុងខែមករានិងខែកុម្ភៈ សុទ្ធតែជាសៀវភៅដែលគេដាក់ឲ្យអានដោយមិនគិតថ្លៃនៅលើ Amazon Store។ ក្នុងចំណោមសៀវភៅជាភាសាអង់គ្លេសទាំងនោះ សៀវភៅដែលខ្ញុំចូលចិត្តជាងគេគឺ សៀវភៅ The Good life Handbook: Epictetus’ Stoic Classic Enchiridion (By Chuck Chakrapani) និងសៀវភៅ How to be Happy (By Cara Stein)។ សៀវភៅ I Wish You Happiness (By Michael Wong) និងសៀវភៅ The Good Mood Book (By John Arvai III) ទាំងពីរក្បាលនេះជាសៀវភៅសម្រាប់កុមារ ដែលសម្បូណ៌ទៅដោយរូបភាព ហើយសៀវភៅទាំងពីរក្បាលនេះមិនមានទំព័រច្រើននោះទេ គឺថា ជាសៀវភៅដែលគេផលិតសម្រាប់កុមារអានកម្សាន្តជាមួយឃ្លាប្រយោគខ្លីៗ អមដោយរូបភាពស្អាតៗ។ ខ្ញុំចូលចិត្តរូបភាពក្នុងសៀវភៅទាំងនោះខ្លាំងណាស់។
សម្រាប់ឆ្នាំ ២០២៥ នេះ ខ្ញុំបានដាក់គោលដៅអានសៀវភៅឲ្យបាន ៥១ ក្បាល។ វាជាចំនួនច្រើនគួរសមដែរ ហើយបើនិយាយក្នុងស្ថានភាពរបស់ខ្ញុំក្នុងពេលបច្ចុប្បន្ននេះក៏កាន់តែលំបាកនឹងសម្រេចឲ្យបាន ព្រោះថា ខ្ញុំអាននឹងមិនសូវមានពេលវេលាគ្រប់គ្រាន់សម្រាប់ការអានសៀវភៅ ដោយខ្ញុំត្រូវចំណាយពេលរៀបចំការងារសរសេរបញ្ចប់សារណាថ្នាក់បរិញ្ញាបត្រជាន់ខ្ពស់របស់ខ្ញុំ បូករួមនិងបញ្ហាដែលអាចនឹងកើតមានឡើងនាពេលខាងមុខទាំងការងារផ្ទាល់ខ្លួននិងការងារនៅកន្លែងធ្វើការ។ ទោះជាយ៉ាងណាក៏ដោយ ខ្ញុំនឹងខិតខំដើម្បីសម្រេចវាឲ្យបាន។ ឆ្លៀតក្នុងឱកាសនេះ ខ្ញុំសូមថ្លែងអំណរគុណចំពោះបងស្រីកល្យាណ (Daisy) ដែលជានិមិត្តរូបជំរុញទឹកចិត្តខ្ញុំឲ្យសម្រេចដាក់គោលដៅអានសៀវភៅដល់ទៅ ៥១ ក្បាល សម្រាប់ឆ្នាំ ២០២៥ នេះ។
ខ្ញុំចង់បន្តសរសេរថ្លែងនូវអំណរគុណទៅកាន់មនុស្សជាច្រើនទៀត តែដោយសារពេលនេះយប់ជ្រៅណាស់ទៅហើយ ខ្ញុំសុំបញ្ចប់អត្ថបទនេះត្រឹមហ្នឹងសិន។ ជួបគ្នាពេលក្រោយទៀត! រាត្រីសួស្ដី!
៥ មីនា ២០២៥ ម៉ោង ១១:៣៧ នាទី យប់
គិតមកដល់ត្រឹមដើមខែមីនានេះ ខ្ញុំនៅមិនទាន់បានរៀបចំអនុវត្តផែនការការងារឲ្យលេចចេញជាផ្លែផ្កាគួរឲ្យកត់សម្គាល់នោះទេ។ ប៉ុន្តែ បើព្យាយាមមើលក្នុងផ្លូវសុទិដ្ឋិនិយមជាងនេះបន្តិចទៀត ក៏អាចឃើញបានថា ខ្ញុំបានសម្រេចនូវការងារមួយចំនួនដែលគួរនឹងសាទរដែរ។ ប៉ុន្មានខែនៃដើមឆ្នាំនេះ ខ្ញុំបានព្យាយាមរៀបចំផែនការការងារឡើងវិញ និងបានខិតខំអនុវត្តការងារតាមការគ្រោងទុកដែរ តែវានៅមិនទាន់ទទួលបានលទ្ធផលល្អនោះទេ។ ខ្ញុំបានព្យាយាមរៀបចំការងារដើម្បីបញ្ចប់វគ្គបណ្ដុះបណ្ដាលមួយ ដែលខ្ញុំបានចាប់ផ្ដើមសិក្សាតាំងពីខែសីហា ឆ្នាំ ២០២៤ ហើយទើបបានបញ្ចប់ដោយជោគជ័យនៅដើមខែមីនានេះ។ ក្នុងរយៈពេលពីរខែមកនេះ ខ្ញុំបានអានសៀវភៅចំនួន ១៥ ក្បាល។ ខ្ញុំនឹងដាក់ជាបញ្ជីសៀវភៅដែលខ្ញុំបានអាននោះនៅខាងក្រោមនេះ។
សៀវភៅដែលបានអានចប់ក្នុងខែមករា៖
- សៀវភៅ ចិត្តសាស្ត្រសាងសុខ
- សៀវភៅ The Good life Handbook: Epictetus’ Stoic Classic Enchiridion (By Chuck Chakrapani)
- សៀវភៅ កូនមាសឪពុក
- សៀវភៅ មនោមយិទ្ធិ
- សៀវភៅ សាងខ្លួនឯង
- សៀវភៅ Being Happy in Challenging Time (By Andrew Matthews)
- សៀវភៅ Positive Thinking: Get Health, Happiness and Optimism (By Nils Horn)
- សៀវភៅ How to be Happy (By Cara Stein)
- សៀវភៅ Happiness: A Little Guide to Self-Love and Positive Thinking (By Jill Hesson)
- សៀវភៅ I Wish You Happiness (By Michael Wong)
សៀវភៅដែលបានអានចប់ក្នុងខែកុម្ភៈ៖
- សៀវភៅ How to be Happy and Positive: And Stay That Way (By Farah Kureshi)
- សៀវភៅ 2025 Breakthrough: 365 Days of Reflections to Transform Your Life, Build Better Habits, and Thrive Daily (By Neil Didhoum)
- សៀវភៅ The Good Mood Book (By John Arvai III)
- សៀវភៅ Stoicsm for Stress Relief: A Blueprint to Stop Worrying, Calm Your Mind, Relieve Stress, and Find Inner Peace With Stoics (By Alexandrer Clarke)
- សៀវភៅ សោណនន្ទជាតក
សម្រាប់ឆ្នាំ ២០២៥ នេះ ខ្ញុំបានដាក់គោលដៅអានសៀវភៅឲ្យបាន ៥១ ក្បាល។ វាជាចំនួនច្រើនគួរសមដែរ ហើយបើនិយាយក្នុងស្ថានភាពរបស់ខ្ញុំក្នុងពេលបច្ចុប្បន្ននេះក៏កាន់តែលំបាកនឹងសម្រេចឲ្យបាន ព្រោះថា ខ្ញុំអាននឹងមិនសូវមានពេលវេលាគ្រប់គ្រាន់សម្រាប់ការអានសៀវភៅ ដោយខ្ញុំត្រូវចំណាយពេលរៀបចំការងារសរសេរបញ្ចប់សារណាថ្នាក់បរិញ្ញាបត្រជាន់ខ្ពស់របស់ខ្ញុំ បូករួមនិងបញ្ហាដែលអាចនឹងកើតមានឡើងនាពេលខាងមុខទាំងការងារផ្ទាល់ខ្លួននិងការងារនៅកន្លែងធ្វើការ។ ទោះជាយ៉ាងណាក៏ដោយ ខ្ញុំនឹងខិតខំដើម្បីសម្រេចវាឲ្យបាន។ ឆ្លៀតក្នុងឱកាសនេះ ខ្ញុំសូមថ្លែងអំណរគុណចំពោះបងស្រីកល្យាណ (Daisy) ដែលជានិមិត្តរូបជំរុញទឹកចិត្តខ្ញុំឲ្យសម្រេចដាក់គោលដៅអានសៀវភៅដល់ទៅ ៥១ ក្បាល សម្រាប់ឆ្នាំ ២០២៥ នេះ។
ខ្ញុំចង់បន្តសរសេរថ្លែងនូវអំណរគុណទៅកាន់មនុស្សជាច្រើនទៀត តែដោយសារពេលនេះយប់ជ្រៅណាស់ទៅហើយ ខ្ញុំសុំបញ្ចប់អត្ថបទនេះត្រឹមហ្នឹងសិន។ ជួបគ្នាពេលក្រោយទៀត! រាត្រីសួស្ដី!
៥ មីនា ២០២៥ ម៉ោង ១១:៣៧ នាទី យប់
COMMENTS