រៀបរាប់​ខ្លីៗ​អំពី​ជីវិត​ក្នុង​ឆ្នាំ២០២៤

“It's already the last day of February 2025, and I still haven't written my reflection on 2024. I'm torn between writing it or j...

“It's already the last day of February 2025, and I still haven't written my reflection on 2024. I'm torn between writing it or just letting it go. Lately, I've been feeling a bit unmotivated.

A few weeks ago, someone asked me how my 30s feel since I've entered this decade. Without thinking, I replied, 'Suffering too much.' I didn't mean to sound pessimistic—I just wanted to express a truth many of us face. Life gets tougher as we grow older. The weight of responsibilities increases, challenges hit harder, and survival demands resilience.

But here's what I've learned: Keep learning. Keep evolving. Keep pushing forward. The more you grow, the stronger you become. And with strength comes ease. Life won’t always be easy, but it can become lighter, happier, and more meaningful—if you choose to grow through it.” --2025/02/28

ខ្ញុំ​ត្រលប់​មក​សរសេរ​អំពី​ឆ្នាំ ២០២៤ បន្តិច ទុក​ជា​ការ​ចងចាំ​និង​ជា​ការ​ឆ្លុះបញ្ចាំង​អំពី​ដំណើរ​ជីវិត​ដែល​ខ្ញុំ​បាន​ឆ្លង​កាត់​នា​ពេល​កន្លង​មក​នេះ។ មុន​នេះ ខ្ញុំ​បាន​ត្រលប់​ទៅ​មើល​ការ​កត់ត្រា​របស់​ខ្ញុំ​ក្នុង​ឆ្នាំ ២០២៤ បន្តិច​ដែរ ក៏​ឃើញ​ថា ខ្ញុំ​បាន​សង្ខេប​ចំណុច​ខ្លះៗ​រួច​មក​ហើយ​អំពី​ដំណើរ​ជីវិត​របស់​ខ្ញុំ​ក្នុង​ឆ្នាំ​កន្លង​ទៅ​នេះ។ ទោះ​ជា​យ៉ាង​ណា​ក៏​ខ្ញុំ​ត្រូវ​តែ​សរសេរ​អត្ថបទ​នេះ​ឡើង​ទៀត ដើម្បី​ឲ្យ​ខ្ញុំ​មាន​អារម្មណ៍​ជ្រះស្រឡះ​ក្នុង​ការ​ធ្វើ​ដំណើរ​លើ​វិថី​ជីវិត​បន្ត​ទៅ​មុខ​ទៀត។

ឆ្នាំ ២០២៤ កន្លង​ទៅ​នេះ ខ្ញុំ​នៅ​ទទួល​រង​បញ្ហា​ផ្នែក​ផ្លូវ​អារម្មណ៍​ខ្លះៗ​ដែល​បាន​អូស​បន្លាយ​តាំង​ពី​ឆ្នាំ​មុនៗ។ ខ្ញុំ​បាន​ព្យាយាម​ដោះស្រាយ​វា​ជា​បន្ត​បន្ទាប់ ក្នុង​ឆ្នាំ ២០២៤ នោះ។ ខ្ញុំ​សង្កេត​ឃើញ​ថា ខ្ញុំ​បាន​ចំណាយ​ពេល​ច្រើន​ជាមួយ​បណ្ដាញ​សង្គម ដែល​វា​គឺ​ជា​ការ​ខ្ជះខ្ជាយ​ពេល​ដ៏​ច្រើន​ក្នុង​ឆ្នាំ ២០២៤។ ស្រដៀង​គ្នា​នេះ​ដែរ ខ្ញុំ​ក៏​បាន​ចំណាយ​ខ្ជះខ្ជាយ​លើ​ការ​ចាយវាយ​មិន​ចាំបាច់​ច្រើន​ដែរ​ក្នុង​ឆ្នាំ ២០២៤ នោះ។

ទន្ទឹម​នឹង​ការ​ប្រឈមមុខ​នឹង​បញ្ហា​មួយ​ចំនួន ខ្ញុំ​ក៏​បាន​ចាប់អារម្មណ៍​ឃើញ​ថា ខ្ញុំ​មាន​ភាព​រីកចម្រើន​ច្រើន​តាមរយៈ​ការ​ឆ្លង​កាត់​បញ្ហា​អស់​ទាំង​នោះ។ ការ​ប្រាស្រ័យ​ទាក់ទង ការ​គ្រប់គ្រង​ស្ថានការណ៍​ក្នុង​ជីវិត​រស់​នៅ​ប្រចាំថ្ងៃ ការ​ដោះស្រាយ​បញ្ហា​ផ្លូវ​អារម្មណ៍ ជាដើម, ឃើញថា មាន​ភាព​ល្អ​ប្រសើរ​ច្រើន។ អ្វី​ដែល​សំខាន់​នោះ​គឺ ខ្ញុំ​បាន​ប្រើប្រាស់​ជីវិត​ដើម្បី​រស់នៅ​ក្នុង​ភាព​ជា​ខ្លួន​របស់​ខ្ញុំ​បាន​កាន់​តែ​ច្រើន​ឡើង។ ខ្ញុំ​សង្កេត​ឃើញ​ថា ខ្ញុំ​យល់​ដឹង​ពី​អារម្មណ៍​របស់​ខ្លួន​ខ្ញុំ​បាន​ច្រើន​ជាង​ពេល​មុនៗ វា​អាច​មាន​ន័យ​ប្រហែល​នឹង​ឃ្លា​ជា​ភាសា​អង់គ្លេស​ថា “Knowing why I feel what I feel” ឬ​ថា​ជា “Self-awareness”។

ក្នុង​ឆ្នាំ ២០២៤ កន្លង​ទៅ​នេះ ខ្ញុំ​មិន​បាន​អនុវត្ត​នូវ​ផែនការ​ជា​ច្រើន​ដែល​ខ្ញុំ​បាន​ដាក់​ចេញ។ ខ្ញុំ​បាន​ព្យាយាម​ត្រួតពិនិត្យ​លើ​ការ​អនុវត្ត​ការងារ​ទាំង​នោះ​ជា​បន្តបន្ទាប់​ជា​ច្រើន​លើក​ច្រើន​សារ តែ​ខ្ញុំ​នៅ​តែ​មិន​អាច​ធ្វើ​តាម​ការ​គ្រោង​ទុក​បាន។ វា​ធ្វើ​ឲ្យ​ខ្ញុំ​មាន​អារម្មណ៍​ថា ខ្ញុំ​ចាប់​ផ្ដើម​ក្លាយ​ជា​មនុស្ស​ដែល​មិន​គោរព​ការ​សន្យា​ចំពោះ​ខ្លួនឯង។ ខ្ញុំ​ចង់​ត្រលប់​ទៅ​រក​ភាព​ម៉ត់ចត់​ដូច​ពីមុន​វិញ​ដែរ តែ​វា​ហាក់​ដូច​ជា​លំបាក​បន្តិច​ហើយ ក្នុង​កាលៈទេសៈ​នៃ​ស្ថានការណ៍​ជីវិត​ដែល​ខ្ញុំ​កំពុង​ឆ្លងកាត់​នោះ។ មិត្ត​របស់​ខ្ញុំ​ម្នាក់​បាន​ប្រាប់​ខ្ញុំ​ថា កុំ​តឹងតែង​ចំពោះ​ខ្លួនឯង​ខ្លាំង​ពេក។ នាង​ក៏​និយាយ​ត្រូវ​ម្យ៉ាង​ដែរ! ពេល​ខ្លះ យើង​ក៏​ត្រូវ​ចេះ​សម្របសម្រួល​តាម​ស្ថានការណ៍ កុំ​តឹង​ពេក ហើយ​ក៏​កុំ​ធូរ​ពេក​នោះ​ដែរ។

ដំបូង ខ្ញុំ​ចង់​និយាយ​រៀបរាប់​ឲ្យ​បាន​ច្រើន​បន្តិច​ដែរ តែ​ពេល​នេះ ខ្ញុំ​គិត​ថា សរសេរ​រៀបរាប់​ត្រួសៗ​ប៉ុណ្ណឹង​បាន​ហើយ។ ខ្ញុំ​នឹង​រៀបរាប់​ក្នុង​អត្ថបទ​ដាច់​ដោយឡែក​មួយ​ទៀត​អំពី​ឆ្នាំ ២០២៥ នៃ​ពេល​ដើម​ឆ្នាំ​នេះ។ ខ្ញុំ​បាន​អាន​សៀវភៅ​ជាង​ដប់​ក្បាល​ក្នុង​ពេល​ប៉ុន្មាន​ខែ​ដើម​ឆ្នាំ​នេះ។ ជួយ​គ្នា​នៅ​អត្ថបទ​ក្រោយ​ទៀត!

៥ មីនា ២០២៥ ម៉ោង ៤ រសៀល